నందిపేట్ లో ప్రభుత్వ పూర్వ ప్రాథమిక విద్య స్కూల్ ప్రారంభం

నందిపేట్ ఏప్రిల్ 21 జనం వెలుగు:  మండల కేంద్రం ప్రాథమిక పాఠశాల తెలుగు మీడియం లో మంగళవారం పూర్వ ప్రాథమిక విద్య ప్లే స్కూల్ ను స్థానిక సర్పంచ్ ఎర్రం సిలిండర్ లింగం ప్రారంభించారు‌. ఈ సందర్భంగా సిలిండర్ లింగం మాట్లాడుతూ…..

నందిపేట మండల కేంద్ర ప్రభుత్వ ప్రాథమిక పాఠశాలలో పూర్వ ప్రాథమిక విద్య ప్లే స్కూల్ ను ఈరోజు నుండి సంపూర్ణంగా ప్రారంభించడం జరిగిందని. ప్రతి ఒక్క విద్యార్థి ప్రభుత్వ పాఠశాలలో చదువుకోవాల్సిందేనని

ఎందుకంటే ప్రభుత్వ పాఠశాలలో అనుభవజ్ఞులైన ఉపాధ్యాయులు కలరని అందుకే ప్రభుత్వ పాఠశాలల ఆజరుశాతాన్ని పెంచేందుకు కేంద్ర రాష్ట్ర ప్రభుత్వాలు ఎన్నో సదుపాయాలను కలిగిస్తుందని గుర్తు చేశారు. విద్యార్థులు ప్రైవేట్ స్కూళ్లలో చదువుకునేందుకు మొగ్గు చూపుతున్నారంటే దానికి కారణం అక్కడ మంచి

మంచి సదుపాయాలు ఉండడమేనని, అందుకే ప్రభుత్వ పాఠశాలలు కూడా ప్రైవేటు పాఠశాలలను ఢీకొనే విధంగా ఏ ఒక్క విషయంలో కూడా వెనకడుగు వేయకుండా అన్ని సదుపాయాలను కల్పిస్తుందని తెలిపారు.

ఈ ప్లే స్కూల్లో కూడా చిన్న పిల్లలకు రెండు మూడు లక్షల రూపాయలను ఖర్చుపెట్టి మరి మంచి మంచి ఆట వస్తువులను, స్కూల్ డ్రెస్,టై బెల్ట్, షూలు, చదువుకు సంబంధించిన కొత్త కొత్త పరికరాలు, చిన్నపిల్లలను ఆకర్షించేందుకు కార్టూన్ పెయింటింగ్ లను వేయించడం జరిగింది అన్నారు. తల్లిదండ్రులు ఈ యొక్క సదుపాయాలను ఉపయోగించుకొని తమ పిల్లలను ప్రభుత్వ పాఠశాలలో చేర్పించాలని విజ్ఞప్తి చేశారు.

ఎంఈఓ అవధూత గంగాధర్ మాట్లాడుతూ… నందిపేట మండలానికి రెండు ప్రీ ప్రైమరీ పాఠశాలలు మంజూరు అయినాయని, ఒకటి ఐలాపూర్ కాగా రెండవది నందిపేట మండల కేంద్రా ఈ పాఠశాలదని, ఈ పాఠశాల కొరకు ఒక టీచర్ను ఒక ఆయాను నియమించడం జరిగిందని,

పిల్లల ఆట, చదువుకునే వస్తువుల కొరకు రెండు లక్షల రూపాయలను, మంచి పెయింటింగ్ కొరకు లక్ష రూపాయలను, స్కూల్ డ్రెస్ లాంటి విద్యార్థుల సౌకర్యార్థం 50 వేల రూపాయలను మొత్తంగా 3,50,000 దాకా మంజూరు చేయడం జరిగిందని, తెలిపారు.

ఈ పాఠశాల ప్రైమరీ పాఠశాల ఆధ్వర్యంలో నడుస్తుందని ప్రతి ఒక్క తల్లిదండ్రులు తమ మూడు, నాలుగు సంవత్సరాల పిల్లలను ఈ ఫ్రీ ప్రైమరీ పాఠశాలకు పంపించాలని కోరారు. పి ఆర్ టి యు జిల్లా కార్యదర్శి కిషన్ సార్, పి ఆర్ టి యు మండల అధ్యక్ష కార్యదర్శులు భూషణ్, రమేష్, జిల్లా పరిషత్ పాఠశాల ప్రధానోపాధ్యాయులు మంజుల, ప్రాథమిక పాఠశాల ప్రధానోపాధ్యాయులు మల్కన్న, ఫ్రీ ప్రైమర్ టీచర్ రసజ్ఞ, ఉపాధ్యాయ బృందం,నాయకులుగా నాగేశ్వర్ గంగాధర్ తదితరులు ఈ కార్యక్రమంలో పాల్గొన్నారు.

నందిపేటలో నందీశ్వరుడి జయంతి

నందిపేట ఏప్రిల్ 20 జనం వెలుగు: నిజామాబాద్ జిల్లా నందిపేట మండల కేంద్రంలో కొలువుదీరిన అతి పురాతన స్వయంభు నందికేశ్వర ఆలయాన సోమవారం ఆలయ కమిటీ వారు బసవ జయంతిని పురస్కరించుకొని ఆ నందీశ్వరునికి ప్రత్యేక పూజలు చేశారు. ఈ సందర్భంగా నందికేశ్వర ఆలయ కమిటీ చైర్మన్ పెద్దకాపు సుమన్ మాట్లాడుతూ….

ఈరోజు బసవ జయంతిని పురస్కరించుకొని మా నందీశ్వరునికి ప్రత్యేక పూజలు జరిపించడం జరిగిందని, ఈ నంది జయంతి సందర్భంగా భక్తులకు అల్పాహారం పెట్టామని, అతి పురాతనమైన స్వయంభు నందికేశ్వర ఆలయం చాలా మహిమగలదని, ఎక్కడ లేని విధంగా ఈ నందీశ్వరుడు దినదినం పెరగడం జరుగుతుందని,

నంది పెరగడం వల్లనే ఆలయాన్ని మూడుసార్లు పునర్నిర్మించడం జరిగిందని, నందీశ్వరుడు పెరిగినట్టే మా గ్రామం కూడా అభివృద్ధి చెందుతూ వస్తుందని, నంది గుడి అంటే మా గ్రామం వాసులకు అపార నమ్మకమని, అనుకున్న కోరికలు సిద్ధిస్తాయని, ప్రతి సంవత్సరం శివరాత్రి రోజున కనివిని ఎరుగని రీతిలో మహన్నదానాలు గ్రామ అభివృద్ధి కమిటీ ఆధ్వర్యంలో జరుగుతాయని తెలిపారు.

వి డి సి అధ్యక్షులు ఎర్రం భోజేందర్, మంతెన శ్రీను, ఉప సర్పంచ్ చందర్, నందిగుడి కమిటీ వైస్ చైర్మన్ ఎకేర్ ముత్యం, క్యాషియర్ గుట్ట నారాయణ, కిషన్ కాంగ్రెస్ నాయకులు దమ్మాయి శ్రీను, కమిటీ డైరెక్టర్లు ఏషాల పెద్ద చిన్నయ్య, గంగాధర్, మైసరి శ్రీను, బూమ్ముత్తి, మాధస్తుశేఖర్, కుమ్మరి ప్రవీణ్ తదితరులు ఈ కార్యక్రమంలో పాల్గొన్నారు.

వికలాంగులకు సరిపడా ఉప పరికరాలు పంపిణి చేయాలి

వికలాంగుల హక్కుల పోరాట సమితి జాతీయ అధ్యక్షురాలు సుజాత

జనం వెలుగు ఆర్మూర్: నిజామా బాద్ జిల్లాలో వికలాంగులకు సరి పడా ఉప పరికరాలను రాష్ట్ర ప్రభుత్వం పంపిణి చేయాలని విక లాంగుల హక్కుల పోరాట సమితి జాతీయ అధ్యక్షురాలు సుజాత సూర్య వంశీ డిమాండ్ చేశారు. రాష్ట్రంలో కాంగ్రెసు ప్రభుత్వం అధికారంలోకి వచ్చిన తర్వాత ఉపకరణ పరికరాలైన చేతి కర్రలు, ట్రై సైకిళ్ళు, వినికిడి పరికరాలు బ్లైండ్ స్టిక్స్ లను కలెక్టర్ ఆఫీసులో లేక పోవడం వికలింగులను చిన్న చూపడం సరికాదని ఆమె అన్నారు.

గత ఏడాదిలో బ్యాటరీ ట్రై సైకిళ్ళు, స్కూటి, పెట్రోల్ స్కూటి కోసం ఆన్లైన్ లో అప్లికేషన్ ఇచ్చాక కొన్ని జిల్లాల్లోనే అందజేయడం జరిగిందని ఆమె అన్నారు. ఇంకా కొన్ని జిల్లాల్లో అందజేయక పోవడం బాధాకరమని ఎంఎల్ఏలు, చైర్మన్ లు, ఉంటేనే ఈ వెహికల్స్ ఇస్తామనడం బాధాకరమని సంవత్సరాల తరబడి ఆన్లైన్ లో అప్లై చేసినప్పుడల్లా 1000 రుపాయల వంతున వ్యయం చేసి 10/15 పర్యాయాలు

అప్లై చేయగా తమ స్వార్థం కోసం ఓటు బ్యాంకు రాజకీయాలను చేస్తు ఎంఎల్ఏలు అవమానించడం, బాధలు పెట్టడం ఎంత వరకు సమంజసమని ఆమె ఆవేదన వ్యక్తంచేశారు. వారం రోజులలో వికలాంగులకు వాహనాలను పంపిణి చేయాలని లేని ఎడల కలెక్టర్ కార్యాలయాన్ని ముట్టడిస్తామని ఆమె హెచ్చరించారు.