అక్రమ నల్లమట్టి టిప్పర్లను పట్టుకున్న ఎమ్మార్వో

నందిపేట్ ఏప్రిల్ 21 జనం వెలుగు; నిజామాబాద్ జిల్లా నందిపేట, డొంకేశ్వర్ మండలాలు, అటు గోదావరి అవతల లోస్రా మండల లో ఎండాకాలం వచ్చిందంటే చాలు ఎస్సారెస్పీ బ్యాక్ వాటర్ తగ్గగానే రైతుల పేరిట నల్ల మట్టి దందా యదేచ్చగా ప్రతి సంవత్సరం సాగుతూనే ఉంటుంది.

ఈ నల్ల మట్టి తరలింపు దూర ప్రాంతాలైన ఇతర జిల్లాల దాకా తరలించి బడాబడా వ్యాపారులు ఎటువంటి ప్రభుత్వ అనుమతులు తీసుకోకుండా కాసులు సంపాదిస్తున్నారు. పది చక్రాల టరాసులతో అధిక లోడు వేసుకొని, విపరీతమైన వేగంతో నడుపుతూ మండల కేంద్ర మెయిన్ రోడ్డు వాహనదారులకు తీవ్ర ఇబ్బందులకు గురి చేస్తున్నారు.

గత సంవత్సరం కొండూరు రోడ్డులో ప్రయానిస్తున్న కొత్తూరు వ్యక్తికి అధిక వేగంతో టిప్పర్ ఢీకొని తీవ్ర గాయాలయ్యాయి, అలాగే ఓవర్ లోడ్ తో వెళ్తున్న వాహనాల నుంచి పడ్డ నల్ల మట్టి వల్ల వాహనదారులు ప్రమాదాలకు గురవుతున్నారని, వెంటనే ఈ నల్ల మట్టి అక్రమ దందాకు అడ్డుకట్టు వేయాలని, ఎస్సారెస్పీ అనుమతులు లేని వాహనాలపై కేసులు నమోదు చేయాలని, ప్రజలు కోరుకుంటున్నారు.

ఈ సందర్భంగా తాసిల్దార్ సంతోష్ రెడ్డిని వివరణ కోరగా ఈరోజు ఉమ్మెడ వైపు నుండి ఎటువంటి అనుమతులు లేకుండా నల్ల మట్టి తరలించే 11 వాహనాలను పట్టుకోవడం జరిగిందని, వారికి ఎటువంటి అనుమతులు లేవని, వారిపై ఒక్కొక్క వాహనానికి పదివేల రూపాయల జరిమానా విధించడం జరిగిందని, ఎస్సారెస్పీ అనుమతులు తప్పనిసరి అని, అనుమతులే కాకుండా ఓవర్ లోడ్, అధిక వేగంతో నడిపిన కానీ కేసులు చేస్తామని హెచ్చరించారు.

నందిపేట్ లో ప్రభుత్వ పూర్వ ప్రాథమిక విద్య స్కూల్ ప్రారంభం

నందిపేట్ ఏప్రిల్ 21 జనం వెలుగు:  మండల కేంద్రం ప్రాథమిక పాఠశాల తెలుగు మీడియం లో మంగళవారం పూర్వ ప్రాథమిక విద్య ప్లే స్కూల్ ను స్థానిక సర్పంచ్ ఎర్రం సిలిండర్ లింగం ప్రారంభించారు‌. ఈ సందర్భంగా సిలిండర్ లింగం మాట్లాడుతూ…..

నందిపేట మండల కేంద్ర ప్రభుత్వ ప్రాథమిక పాఠశాలలో పూర్వ ప్రాథమిక విద్య ప్లే స్కూల్ ను ఈరోజు నుండి సంపూర్ణంగా ప్రారంభించడం జరిగిందని. ప్రతి ఒక్క విద్యార్థి ప్రభుత్వ పాఠశాలలో చదువుకోవాల్సిందేనని

ఎందుకంటే ప్రభుత్వ పాఠశాలలో అనుభవజ్ఞులైన ఉపాధ్యాయులు కలరని అందుకే ప్రభుత్వ పాఠశాలల ఆజరుశాతాన్ని పెంచేందుకు కేంద్ర రాష్ట్ర ప్రభుత్వాలు ఎన్నో సదుపాయాలను కలిగిస్తుందని గుర్తు చేశారు. విద్యార్థులు ప్రైవేట్ స్కూళ్లలో చదువుకునేందుకు మొగ్గు చూపుతున్నారంటే దానికి కారణం అక్కడ మంచి

మంచి సదుపాయాలు ఉండడమేనని, అందుకే ప్రభుత్వ పాఠశాలలు కూడా ప్రైవేటు పాఠశాలలను ఢీకొనే విధంగా ఏ ఒక్క విషయంలో కూడా వెనకడుగు వేయకుండా అన్ని సదుపాయాలను కల్పిస్తుందని తెలిపారు.

ఈ ప్లే స్కూల్లో కూడా చిన్న పిల్లలకు రెండు మూడు లక్షల రూపాయలను ఖర్చుపెట్టి మరి మంచి మంచి ఆట వస్తువులను, స్కూల్ డ్రెస్,టై బెల్ట్, షూలు, చదువుకు సంబంధించిన కొత్త కొత్త పరికరాలు, చిన్నపిల్లలను ఆకర్షించేందుకు కార్టూన్ పెయింటింగ్ లను వేయించడం జరిగింది అన్నారు. తల్లిదండ్రులు ఈ యొక్క సదుపాయాలను ఉపయోగించుకొని తమ పిల్లలను ప్రభుత్వ పాఠశాలలో చేర్పించాలని విజ్ఞప్తి చేశారు.

ఎంఈఓ అవధూత గంగాధర్ మాట్లాడుతూ… నందిపేట మండలానికి రెండు ప్రీ ప్రైమరీ పాఠశాలలు మంజూరు అయినాయని, ఒకటి ఐలాపూర్ కాగా రెండవది నందిపేట మండల కేంద్రా ఈ పాఠశాలదని, ఈ పాఠశాల కొరకు ఒక టీచర్ను ఒక ఆయాను నియమించడం జరిగిందని,

పిల్లల ఆట, చదువుకునే వస్తువుల కొరకు రెండు లక్షల రూపాయలను, మంచి పెయింటింగ్ కొరకు లక్ష రూపాయలను, స్కూల్ డ్రెస్ లాంటి విద్యార్థుల సౌకర్యార్థం 50 వేల రూపాయలను మొత్తంగా 3,50,000 దాకా మంజూరు చేయడం జరిగిందని, తెలిపారు.

ఈ పాఠశాల ప్రైమరీ పాఠశాల ఆధ్వర్యంలో నడుస్తుందని ప్రతి ఒక్క తల్లిదండ్రులు తమ మూడు, నాలుగు సంవత్సరాల పిల్లలను ఈ ఫ్రీ ప్రైమరీ పాఠశాలకు పంపించాలని కోరారు. పి ఆర్ టి యు జిల్లా కార్యదర్శి కిషన్ సార్, పి ఆర్ టి యు మండల అధ్యక్ష కార్యదర్శులు భూషణ్, రమేష్, జిల్లా పరిషత్ పాఠశాల ప్రధానోపాధ్యాయులు మంజుల, ప్రాథమిక పాఠశాల ప్రధానోపాధ్యాయులు మల్కన్న, ఫ్రీ ప్రైమర్ టీచర్ రసజ్ఞ, ఉపాధ్యాయ బృందం,నాయకులుగా నాగేశ్వర్ గంగాధర్ తదితరులు ఈ కార్యక్రమంలో పాల్గొన్నారు.

పేద రోగులకు అండగా నిలుస్తూ ఎల్ఓసి పత్రాలు అందజేత 

జనంవెలుగు, ఇందూరు: పేదలకు ఎల్లప్పుడూ అండగా నిలుస్తానని అవసరమైన వారికి నిమ్స్ లో ఎల్వోసీ అందజేస్తున్నట్లు అర్బన్ ఎమ్మెల్యే ధన్ పాల్ సూర్యనారాయణ గుప్తా తెలిపారు. నగరంలోని సుభాష్ నగర్ క్యాంప్ కార్యాలయంలో సోమవారం పలువురికి ఎల్ వోసీ పత్రాలు అందజేశారు. ఈ సందర్భంగా ఎమ్మెల్యే మాట్లాడుతూ నియోజకవర్గంలో అర్హులైన పేదలకు ఎల్ వోసీ ఇప్పించేందుకు ప్రత్యేక శ్రద్ధ వహిస్తున్నట్లు తెలిపారు. ఆర్థిక ఇబ్బందులు ఎదుర్కొంటున్న వారి పరిస్థితిని సీఎం రేవంత్ రెడ్డి దృష్టికి తీసుకెళుతున్నట్లు పేర్కొన్నారు. నగరంలోని గాయత్రి నగర్ కు చెందిన పెంటయ్య నరాల సంబంధిత వ్యాధితో తీవ్ర ఇబ్బందులు పడుతున్నారని, అలాగే సబ్బని శ్రీనివాస్ మూత్ర పిండాల సంబంధిత వ్యాధితో ఇబ్బందులు పడుతున్నారన్నారు. కావున ఇరువురికి కలిపి రూ. 6 లక్షల ఎల్ వోసీ లు అందజేశామన్నారు. పార్టీలకతీతంగా ప్రజల ప్రాణాలను కాపాడటమే తన కర్తవ్యం అని పేర్కొన్నారు. ప్రభుత్వం సానుకూలంగా స్పందించి రోగికి తక్షణ సహాయం అందించినందుకు కృతజ్ఞతలు తెలిపారు.