నిర్మల్
సాంకేతిక విద్యతో పర్యావరణ మార్పు
త్రిబుల్ ఐటీ లో పలు సంస్థలతో అవగాహన ఒప్పందం
జనం వెలుగు, బాసర:- సాంకేతిక విద్యతో పర్యావరణ మార్పు జరుగుతుందని పర్యావరణ పరిరక్షణ, పరిరక్షణ శిక్షణ జనరల్ డైరెక్టర్ వాణి ప్రసాద్ తెలిపారు. శనివారం
హైదరాబాద్ లో ఆర్జీయూకేటీ బాసర, పర్యావరణ పరిరక్షణ శిక్షణ, పరిశోధక సంస్థ, జవహర్ లాల్ నెహ్రూ సాంకేతిక విశ్వవిద్యాలయాలతో అవగాహన ఒప్పందం జరిగిందని ఆర్జియూకేటీ వైస్ ఛాన్స్లర్ ప్రొఫెసర్ వెంకట రమణ తెలిపారు. మొదటగా పర్యావరణ పరిరక్షణ శిక్షణ, పరిశోధనా సంస్థ డైరెక్టర్ జనరల్ వాణి ప్రసాద్ ఐఏఎస్ హైదరాబాద్, ఆర్జియూకేటీ వైస్ ఛాన్స్లర్ ప్రొఫెసర్ వెంకట రమణల మధ్య సంతకం అనంతరం పత్రాలు మార్చుకున్నారు. ప్రధానంగా రెండు సంస్థల మధ్య విద్య, పరిశోధన అనుబంధ విషయాలలో పరిశోధన, శిక్షణ, విద్యార్థి, ఫ్యాకల్టీ సామర్థ్యాన్ని పెంపొందించడంలో సంస్థాగత పటిష్టత ఉమ్మడి సహకార కార్యక్రమం కోసం అవగాహన ఒప్పందాన్ని కుదుర్చుకోవడం జరిగింది. పరిశోధన, శిక్షణ, పరీక్ష, విశ్లేషణ, విద్యా రంగాల పరస్పర అవసరాల గుర్తింపు. అర్హత కలిగిన అర్జియూకేటీ ఫ్యాకల్టీకి కో-గైడ్లుగా పరిశోధన మార్గదర్శక అవకాశాలను అందించడం, భాగస్వామ్య ప్రాతిపదికన పరస్పర ఆసక్తితో కూడిన భారీ స్థాయి శిక్షణల నైపుణ్యాభివృద్ధి కార్యక్రమాల కోసం ప్రణాళిక, నిధుల అమలు కోసం స్పాన్సర్ చేసే ఏజెన్సీలకు ప్రాజెక్ట్లను పరస్పరం సమర్పించడం ద్వారా తగిన ఉమ్మడి పరిశోధనను ప్రోత్సహించడం. పరస్పర ప్రయోజనం కోసం జ్ఞానం, క్షేత్ర సందర్శనల సహకారం మరియు మార్పిడి. ఉపన్యాసాలు అందించేందుకు అధ్యాపకులు మరియు పరిశోధకులకు పరస్పర అవకాశాలను అందించడం. సెన్స్, పర్యావరణ పరిష్కారాలు, పర్యావరణ రంగాలలో తాజా పరిణామాలలో సమాచారం, సాంకేతిక, శాస్త్రీయ ప్రచురణల మార్పిడి. శిక్షణలు, ఉపన్యాసాలు, ఓరియంటేషన్ ప్రోగ్రామ్లు, అంతర్జాతీయ సమావేశాలు, సమావేశాలు, వర్క్షాప్ల సంస్థ అవసరం ఆధారంగా ఉమ్మడి ప్రచురణలను అన్వేషించండి. విద్యార్థులకు ఇంటర్న్షిప్. విద్యార్థులకు పరిశోధన సహకారం. పరస్పరం అంగీకరించిన ఇతర స్టార్టప్లు, ఆవిష్కరణలు, ఇంక్యుబేషన్ మరియు పరిశోధన లక్ష్య ప్రాజెక్ట్లలో సహకారం కోసం ఈ అవగాహన ఒప్పందం అని విసి పేర్కొన్నారు. తదనంతరం ఆర్జీయూకేటీ బాసర విసి ప్రొ. వెంకట రమణ , జవహర్ లాల్ నెహ్రు సాంకెతిక విశ్వవిద్యాలయం కట్ట నరసింహారెడ్డి వైస్ ఛాన్స్లర్ జేఎన్టీయూ హైదరాబాద్ వారు అవగాహన ఒప్పంద పత్రంపై సంతకం చేసి తదనంతరం మార్చుకున్నారు. ఈ ఒప్పందంతో విద్యా అవకాశాల సమాచారాన్ని వ్యాప్తి చేయడానికి, సెమినార్లు, సమావేశాలు, వర్క్షాప్లు మొదలైనవి నిర్వహించడం. అర్హత కలిగిన ఆర్జియూకేటీ ఫ్యాకల్టీకి గైడ్ లుగా, పరిశోధన మార్గదర్శక అవకాశాలను అందించడం, తెలంగాణలోని ఇతర విశ్వవిద్యాలయాలు ఇతర విద్యా సంస్థలతో కలిసి పని చేయడం, జాతీయ అంతర్జాతీయ నిధులు సమకూరుస్తున్న ప్రాజెక్ట్లకు ప్రత్యేక ప్రాధాన్యతనిస్తూ తగిన ఉమ్మడి పరిశోధన ప్రాజెక్టులను ప్రోత్సహించండం జరుగుతుందని ఇరువురు వీసీలు పేర్కొన్నారు. ఈ కార్యక్రమంలో ఆర్జీయూకేటీ డైరెక్టర్ ప్రొఫెసర్ సతీష్ కుమార్, జేఎన్టీయూ హైదరాబాద్ రిజిస్టార్ ప్రొఫెసర్ మంజూరు హుస్సేన్, ఆర్జీయూకేటీ రీసెర్చ్ అండ్ డెవలప్మెంట్ డాక్టర్ చంద్రశేఖర్, అసోసియేట్ డీన్ శ్రీమతి సృజన, డాక్టర్ వినోద్, శ్రీ రాకేష్ రెడ్డి, అడిషనల్ చీఫ్ వార్డెన్ సృజన తదితరులు పాల్గొన్నారు.
ఘనంగా స్వయం పరిపాలన దినోత్సవం
జనం వెలుగు, చిలిపిచేడ్: చిలిపిచేడ్ మండలం పరిధిలోని చిట్కుల్ ప్రాథమిక పాఠశాలలో స్వయం పరిపాలన దినోత్సవాన్ని ఘనంగా నిర్వహించారు. ఈ కార్యక్రమంలో భాగంగా విద్యార్థులే ఉపాధ్యాయులుగా మారి పాఠశాల నిర్వహణ బాధ్యతలను చేపట్టడం ప్రత్యేక ఆకర్షణగా నిలిచింది.
5వ తరగతి విద్యార్థులు తోటి విద్యార్థులకు పాఠాలు బోధిస్తూ తమ ప్రతిభను చాటుకున్నారు. ఈ సందర్భంగా అజూహ ఫాతిమా ప్రధానోపాధ్యాయురాలిగా, భార్గవ్ ప్రసాద్ డీఈఓగా, సాత్విక్ ఎంఈఓగా, శశాంత్ కాంప్లెక్స్ హెచ్ఎంగా బాధ్యతలు నిర్వర్తించారు. అదేవిధంగా ఆదర్శ్, ప్రణీత్, చరణ్య, తేజశ్రీ, నవ్య, యశ్వంత్ తదితరులు ఉపాధ్యాయులుగా వ్యవహరించి పాఠశాల వాతావరణాన్ని ఉత్సాహభరితంగా మార్చారు.
విద్యార్థుల్లో నాయకత్వ లక్షణాలు, బాధ్యతాభావం పెంపొందించేందుకు ఇటువంటి కార్యక్రమాలు ఎంతో ఉపయోగకరమని పాఠశాల ప్రధానోపాధ్యాయులు నాగేందర్ రెడ్డి పేర్కొన్నారు. ఉపాధ్యాయులు సత్యనారాయణ, అనిత ఈ కార్యక్రమంలో పాల్గొని విద్యార్థులను అభినందించారు.
విద్యార్థుల చురుకుదనం, ఆత్మవిశ్వాసం ఈ స్వయం పరిపాలన దినోత్సవంలో ప్రతిబింబించిందని తల్లిదండ్రులు, ఉపాధ్యాయులు హర్షం వ్యక్తం చేశారు.
ముఖ్యమంత్రి బహిరంగ సభ ఏర్పాట్ల పరిశీలన
నిర్మల్ పట్టణంలో జిల్లా కలెక్టర్, ఎస్పీ తనిఖీ
జనంవెలుగు, నిర్మల్:- నిర్మల్ పట్టణంలోని ఎన్టీఆర్ మినీ స్టేడియంలో ఈ నెల 16వ తేదీన నిర్వహించనున్న రాష్ట్ర ముఖ్యమంత్రి బహిరంగ సభకు సంబంధించి చేపట్టాల్సిన ఏర్పాట్లను జిల్లా కలెక్టర్ అభిలాష అభినవ్ మంగళవారం జిల్లా ఎస్పీ జానకి షర్మిలతో కలిసి పరిశీలించారు.
ఈ సందర్భంగా కలెక్టర్ మాట్లాడుతూ, ముఖ్యమంత్రి బహిరంగ సభను విజయవంతంగా నిర్వహించేందుకు అన్ని ఏర్పాట్లు పటిష్టంగా చేయాలని అధికారులను ఆదేశించారు. సభా వేదిక, టెంట్ ఏర్పాటు, తగిన సంఖ్యలో కుర్చీలు ఏర్పాటు చేయడంతో పాటు సభకు హాజరయ్యే ప్రజల సౌకర్యార్థం ప్రత్యేక పార్కింగ్ సదుపాయాలు కల్పించాలని సూచించారు.
అలాగే, సభ నిర్వహణ సందర్భంగా ఎలాంటి అవాంఛనీయ ఘటనలు జరగకుండా పటిష్టమైన పోలీసు బందోబస్తు ఏర్పాటు చేయాలని పోలీస్ అధికారులను ఆదేశించారు. ట్రాఫిక్ నియంత్రణ, ప్రజల రాకపోకలు సజావుగా సాగేందుకు ముందస్తు చర్యలు తీసుకోవాలని తెలిపారు.
ఈ ఏర్పాట్ల పరిశీలన కార్యక్రమంలో అదనపు ఎస్పీ సాయికిరణ్, అదనపు కలెక్టర్ (రెవెన్యూ) కిషోర్ కుమార్, ఆర్డీవో రత్నకళ్యాణి, వివిధ శాఖల అధికారులు, సిబ్బంది పాల్గొన్నారు.
నిర్మల్ ట్యాంక్బండ్లో లేక్ వ్యూ పాయింట్ ప్రారంభం
జనంవెలుగు, నిర్మల్: నిర్మల్ మినీ ట్యాంక్బండ్లో కొత్తగా ఏర్పాటు చేసిన లేక్ వ్యూ పాయింట్ ను రాష్ట్ర అరణ్య, పర్యావరణ శాఖ మంత్రి జూపల్లి కృష్ణారావు, ఎమ్మెల్యే ఏలేటి మహేశ్వర్ రెడ్డి, జిల్లా కలెక్టర్ అభిలాష అభినవ్ శుక్రవారం సంయుక్తంగా ప్రారంభించారు. ఈ సందర్భంగా మంత్రి మాట్లాడుతూ పట్టణ అభివృద్ధి, పర్యాటక ప్రోత్సాహం, పచ్చదనం, సుందరీకరణ దిశగా ప్రభుత్వం ప్రత్యేక దృష్టి సారించిందని తెలిపారు. భవిష్యత్తులో సందర్శకులకు మరిన్ని సౌకర్యాలు కల్పించనున్నట్టు హామీ ఇచ్చారు. ప్రారంభోత్సవ కార్యక్రమంలో జిల్లా అధికారులు, ప్రజాప్రతినిధులు, స్థానికులు పెద్ద సంఖ్యలో పాల్గొన్నారు.
మణికంఠ సేవా సమితి ఆధ్వర్యంలో అయ్యప్ప ఆలయంలో ప్రత్యేక పూజలు
ప్రెస్ క్లబ్లో ఘనంగా తెలంగాణ రాష్ట్ర అవతరణ దినోత్సవ వేడుకలు
