నిర్మల్
విద్యార్థులకు మైక్రోసాఫ్ట్ సాఫ్ సర్టిఫికెట్ల అందజేత
జనం వెలుగు, బాసర:- ఉత్తమ సంస్థల్లో ఉద్యోగం పొందేందుకు ఈ సర్టిఫికెట్ దోహదం చేస్తుంది. వీసీ ప్రొఫెసర్ వెంకటరమణ ఆర్జీయూకేటీ బాసర ఇంజనీరింగ్ రెండవ మూడవ సంవత్సర విద్యార్థినులకు ఫౌండేషన్ కోర్సు కోసం టెక్సాక్షం 2.0 ప్రోగ్రామ్ SAP ద్వారా ప్రారంభించబడిన మైక్రోసాఫ్ట్ గ్లోబల్ స్కిల్స్ ఇనిషియేటివ్ ప్రోగ్రామ్ & ఎడ్యునెట్ ఫౌండేషన్ ద్వారా 841 మంది విద్యార్థులు సర్టిఫికేట్లను పొందడానికి అర్హత సాధించారు. దింతో ఉత్తమ సంస్థల్లో ఉద్యోగం పొందేందుకు ఈ సర్టిఫికెట్ దోహదం చేస్తుందని వీసీ ప్రొఫెసర్ వెంకటరమణ తెలిపారు. ఈ కార్యక్రమం గత నెల డిసెంబర్ లో నిర్వహించడం జరిగింది. రెండు వారాల పాటు Computer Sicence Engineering , Electricalengineering & Electrical Camunication Engineering డిపార్ట్మెంట్ల నుండి E2 & E3కి చెందిన మహిళా విద్యార్థుల కోసం ఫౌండేషన్ కోర్సు నమోదు చూసుకున్నారు . ఈ ఫౌండేషన్ కోర్సుకు 875 మంది విద్యార్థులు చురుకుగా హాజరయ్యారు. 875 మంది విద్యార్థులలో, సుమారు 841 మంది విద్యార్థులు పరీక్షలో అర్హత సాధించారు. మైక్రోసాఫ్ట్ & సప్ నుండి సర్టిఫికేట్ పొందిన విద్యార్థులకు అభినందనలు తెలిపారు. ఈ కార్యక్రమంలో డైరెక్టర్ ప్రొ. సతీష్ కుమార్, ప్రోగ్రాం కోఆర్డినేటర్ & డీన్ (ఆర్&డి) డాక్టర్ వి చంద్ర శేఖర రావు పి, ఫ్యాకల్టీ తేజస్వి , సృజన, సారిక, చైతన్య తదితరులు పాల్గొన్నారు.
ఘనంగా స్వయం పరిపాలన దినోత్సవం
జనం వెలుగు, చిలిపిచేడ్: చిలిపిచేడ్ మండలం పరిధిలోని చిట్కుల్ ప్రాథమిక పాఠశాలలో స్వయం పరిపాలన దినోత్సవాన్ని ఘనంగా నిర్వహించారు. ఈ కార్యక్రమంలో భాగంగా విద్యార్థులే ఉపాధ్యాయులుగా మారి పాఠశాల నిర్వహణ బాధ్యతలను చేపట్టడం ప్రత్యేక ఆకర్షణగా నిలిచింది.
5వ తరగతి విద్యార్థులు తోటి విద్యార్థులకు పాఠాలు బోధిస్తూ తమ ప్రతిభను చాటుకున్నారు. ఈ సందర్భంగా అజూహ ఫాతిమా ప్రధానోపాధ్యాయురాలిగా, భార్గవ్ ప్రసాద్ డీఈఓగా, సాత్విక్ ఎంఈఓగా, శశాంత్ కాంప్లెక్స్ హెచ్ఎంగా బాధ్యతలు నిర్వర్తించారు. అదేవిధంగా ఆదర్శ్, ప్రణీత్, చరణ్య, తేజశ్రీ, నవ్య, యశ్వంత్ తదితరులు ఉపాధ్యాయులుగా వ్యవహరించి పాఠశాల వాతావరణాన్ని ఉత్సాహభరితంగా మార్చారు.
విద్యార్థుల్లో నాయకత్వ లక్షణాలు, బాధ్యతాభావం పెంపొందించేందుకు ఇటువంటి కార్యక్రమాలు ఎంతో ఉపయోగకరమని పాఠశాల ప్రధానోపాధ్యాయులు నాగేందర్ రెడ్డి పేర్కొన్నారు. ఉపాధ్యాయులు సత్యనారాయణ, అనిత ఈ కార్యక్రమంలో పాల్గొని విద్యార్థులను అభినందించారు.
విద్యార్థుల చురుకుదనం, ఆత్మవిశ్వాసం ఈ స్వయం పరిపాలన దినోత్సవంలో ప్రతిబింబించిందని తల్లిదండ్రులు, ఉపాధ్యాయులు హర్షం వ్యక్తం చేశారు.
ముఖ్యమంత్రి బహిరంగ సభ ఏర్పాట్ల పరిశీలన
నిర్మల్ పట్టణంలో జిల్లా కలెక్టర్, ఎస్పీ తనిఖీ
జనంవెలుగు, నిర్మల్:- నిర్మల్ పట్టణంలోని ఎన్టీఆర్ మినీ స్టేడియంలో ఈ నెల 16వ తేదీన నిర్వహించనున్న రాష్ట్ర ముఖ్యమంత్రి బహిరంగ సభకు సంబంధించి చేపట్టాల్సిన ఏర్పాట్లను జిల్లా కలెక్టర్ అభిలాష అభినవ్ మంగళవారం జిల్లా ఎస్పీ జానకి షర్మిలతో కలిసి పరిశీలించారు.
ఈ సందర్భంగా కలెక్టర్ మాట్లాడుతూ, ముఖ్యమంత్రి బహిరంగ సభను విజయవంతంగా నిర్వహించేందుకు అన్ని ఏర్పాట్లు పటిష్టంగా చేయాలని అధికారులను ఆదేశించారు. సభా వేదిక, టెంట్ ఏర్పాటు, తగిన సంఖ్యలో కుర్చీలు ఏర్పాటు చేయడంతో పాటు సభకు హాజరయ్యే ప్రజల సౌకర్యార్థం ప్రత్యేక పార్కింగ్ సదుపాయాలు కల్పించాలని సూచించారు.
అలాగే, సభ నిర్వహణ సందర్భంగా ఎలాంటి అవాంఛనీయ ఘటనలు జరగకుండా పటిష్టమైన పోలీసు బందోబస్తు ఏర్పాటు చేయాలని పోలీస్ అధికారులను ఆదేశించారు. ట్రాఫిక్ నియంత్రణ, ప్రజల రాకపోకలు సజావుగా సాగేందుకు ముందస్తు చర్యలు తీసుకోవాలని తెలిపారు.
ఈ ఏర్పాట్ల పరిశీలన కార్యక్రమంలో అదనపు ఎస్పీ సాయికిరణ్, అదనపు కలెక్టర్ (రెవెన్యూ) కిషోర్ కుమార్, ఆర్డీవో రత్నకళ్యాణి, వివిధ శాఖల అధికారులు, సిబ్బంది పాల్గొన్నారు.
నిర్మల్ ట్యాంక్బండ్లో లేక్ వ్యూ పాయింట్ ప్రారంభం
జనంవెలుగు, నిర్మల్: నిర్మల్ మినీ ట్యాంక్బండ్లో కొత్తగా ఏర్పాటు చేసిన లేక్ వ్యూ పాయింట్ ను రాష్ట్ర అరణ్య, పర్యావరణ శాఖ మంత్రి జూపల్లి కృష్ణారావు, ఎమ్మెల్యే ఏలేటి మహేశ్వర్ రెడ్డి, జిల్లా కలెక్టర్ అభిలాష అభినవ్ శుక్రవారం సంయుక్తంగా ప్రారంభించారు. ఈ సందర్భంగా మంత్రి మాట్లాడుతూ పట్టణ అభివృద్ధి, పర్యాటక ప్రోత్సాహం, పచ్చదనం, సుందరీకరణ దిశగా ప్రభుత్వం ప్రత్యేక దృష్టి సారించిందని తెలిపారు. భవిష్యత్తులో సందర్శకులకు మరిన్ని సౌకర్యాలు కల్పించనున్నట్టు హామీ ఇచ్చారు. ప్రారంభోత్సవ కార్యక్రమంలో జిల్లా అధికారులు, ప్రజాప్రతినిధులు, స్థానికులు పెద్ద సంఖ్యలో పాల్గొన్నారు.
టి జి ఎస్ ఆర్ టి సి డిప్యూటీ రీజినల్ మేనేజర్ గా పి. జ్యోతి
మాతాశిశు సంరక్షణకు అంకిత భావంతో కృషి చేయాలి
