నిజామాబాద్
ఆక్స్ఫర్డ్ విద్యార్థులకు ఐఐటి నీట్ ఫౌండేషన్ అవార్డులు
జనం వెలుగు, ఆర్మూర్:- ఆర్మూర్ శివారులోని గాంధీనగర్ లో గల ఆక్స్ఫర్డ్ పాఠశాలలో జరిగిన విద్యార్థుల అవార్డు ప్రధానోత్సవ కార్యక్రమానికి ఐఐటి నీట్ ఫౌండేషన్ సంస్థ డైరెక్టర్ శ్రీనివాస్ రావు ముఖ్య అతిథిగా హాజరై మాట్లాడారు. విద్యార్థులు నేటి పోటీ ప్రపంచంలో రాణించాలంటే పాఠశాల స్థాయి నుండి అన్ని పోటీ పరీక్షలకు సిద్ధం కావాలని ఆయన అన్నారు. విద్యార్థులు ఇష్టపడి చదివితే అన్ని సబ్జెక్టుల్లో రాణించి భవిష్యత్తులో ఉన్నత స్థాయికి ఎదుగగలరని ఆయన అన్నారు. విద్యార్థులు రాష్ట్రస్థాయిలో నిర్వహించిన ఐఐటి నీట్ ఫౌండేషన్ పరీక్షలో రాష్ట్రస్థాయి ర్యాంకులు సాధించిన ఏడుగురు విద్యార్థులు రమోలారాజ్ సంజనగౌడ్ హర్షిని సాత్విక్ శ్రీవిద్య రిషిత్ లకు నగదు బహుమతులు అందజేశారు. ఆరవ తరగతి నుండి 9వ తరగతి వరకు విద్యార్థులకు వివిధ సబ్జెక్టుల్లో సాధించిన ర్యాంకులను బట్టి వారికి అవార్డులు ప్రధానం చేశారు. విద్యార్థులు వారి తల్లిదండ్రులతో కలిసి అవార్డులను స్వీకరించారు. విద్యార్థుల తల్లిదండ్రులు వారి పిల్లలు సాధించిన అవార్డుల ఆనందాన్ని వ్యక్తం చేస్తూ విద్యార్థులను నిష్ణాతులుగా తయారు చేస్తున్న ఉపాధ్యాయులని అభినందిస్తూ వారి వారి అభిప్రాయాలను కార్యక్రమంలో పంచుకున్నారు. కార్యక్రమంలో పాఠశాల కరస్పాండెంట్ మానస గణేష్ పాలనాధికారిని పద్మ ప్రిన్సిపల్ రమేష్ పాఠశాల ఇంచార్జ్ సృపన్ ఉపాధ్యాయులు విద్యార్థులు విద్యార్థుల తల్లిదండ్రులు పాల్గొన్నారు.
విజయదశమి పర్వదిన శుభాకాంక్షలు
రూరల్ ఎమ్మెల్యే డా. ఆర్. భూపతి రెడ్డి
జనంవెలుగు నిజామాబాద్:- విజయదశమి పండుగను పురస్కరించుకుని నిజామాబాద్ రూరల్ ఎమ్మెల్యే డా. ఆర్. భూపతి రెడ్డి జిల్లా ప్రజలకు హృదయపూర్వక శుభాకాంక్షలు తెలిపారు.
చెడుపై మంచి సాధించిన విజయానికి ప్రతీకగా జరుపుకునే విజయదశమి పండుగను ప్రజలందరూ కుటుంబ సభ్యులతో కలిసి ఆనందోత్సాహాలతో జరుపుకోవాలని ఆకాంక్షించారు.
దసరా పండుగ ప్రతి ఒక్కరి జీవితాల్లో సుఖసంతోషాలు, సిరిసంపదలు నింపాలని, ప్రజలు చేపట్టే ప్రతి కార్యంలో విజయం సాధించాలని ఎమ్మెల్యే ఆకాంక్షించారు.
జిల్లా ప్రజలందరూ ఆయురారోగ్యాలతో, సుఖశాంతులతో, ఐకమత్యంతో జీవించాలని, అన్ని వర్గాల ప్రజలకు విజయదశమి శుభాలను అందించాలని అమ్మవారిని ప్రార్థిస్తున్నట్లు తెలిపారు.
జిల్లా ప్రజలకు విజయదశమి శుభాకాంక్షలు
జనంవెలుగు నిజామాబాద్ :– విజయ దశమి వేడుకను పురస్కరించుకుని రాష్ట్ర ప్రభుత్వ సలహాదారు పి.సుదర్శన్ రెడ్డి, కలెక్టర్ ఇలా త్రిపాఠి జిల్లా ప్రజలకు శుభాకాంక్షలు తెలియజేశారు.
చెడుపై మంచి సాధించిన విజయానికి సంకేతంగా జరుపుకునే విజయదశమి వేడుకను ఇంటిల్లిపాది ఆనందోత్సాహాలతో జరుపుకోవాలని ఆకాంక్షించారు.
దసరా పండుగ అందరి జీవితాల్లో విజయాలు సమకూర్చాలని, చేపట్టిన ప్రతీ కార్యం విజయవంతం కావాలని అభిలషించారు. విజయ దశమి వేళ అన్ని వర్గాల వారు సుభిక్షంగా, సుఖ సంతోషాలతో జీవనాలు వెళ్లదీయాలని ఆకాంక్షించారు.
బతుకమ్మ బతుకమ్మ ఉయ్యాలో…బంగారు గౌరమ్మ ఉయ్యాలో..
నగరంలో సందడిగా సాగిన సద్దుల బతుకమ్మ వేడుకలు
బొడ్డెమ్మ చెరువు (మినీ ట్యాంక్ బండ్ ) వద్ద మహిళల కోలాహలం.
జనంవెలుగు నిజామాబాద్ :- నిజామాబాద్ నగరంలో ఆట పాటలతో సద్దుల బతుకమ్మ సంబరాలు అంబరాన్నంటాయి. బతుకమ్మ అనేది తెలంగాణ రాష్ట్ర సాంస్కృతిక ప్రతీకగా జరుపుకునె తంగేడు, గూనుగు పూలతో పాటు, రక రకాల పూలతో జరుపుకునే పువ్వుల పండగ.
భాద్రపద అమావాస్య నుండి తొమ్మిది రోజుల పాటు వైభవంగ జరుపుకునే మహిళల పండుగ.ప్రకృతిలో లభించే రకరకాల పూలను గోపురం లా అందమైన పొరలు గార్చి తయారు చేస్తారు,
పసుపుతో గౌరమ్మను చేసి దాని పై ప్రతిష్టిస్తారు. ప్రతి గల్లీలో మహిళలు ముస్తాబయి.. తీరొక్క పూలతో బతుకమ్మలు పేర్చి హుషారైనా బతుకమ్మ పాటలతో హోరేత్తించారు.
తెలంగాణ సంస్కృతి, సాంప్రదాయాలు చిన్నారులకు తెలియచేయడానికి ఈ పండగ ఒక వేదిక అనుకోవచ్చు. చిన్నారులు చిట్టి, చిట్టి బతుకమ్మలను చేతిలో పట్టుకుని ఫోటోలకు,ఫోజులివ్వడం అందరిని ఆనంద డోలికల్లో ముంచెత్తింది.
బతుకమ్మ డి జె పాటలకు మహిళలు ఉత్సాహం తో, హుషారైనా స్టెప్పులు వేయడం అందరిని అలరించింది. ఈ సందర్బంగా బొడ్డెమ్మ చెరువు (మినీ ట్యాంక్ బండ్ ) దగ్గర మహిళలు మరొక్కసారి బతుకమ్మ పాటలకు సంగీతానికి తగ్గట్టుగా,ఒకేసారి కొట్టె చప్పట్ల సప్పుడుకు,ఒకేసారి వేసే స్టెప్పులతో చెరువు వాతావరణమంతా హోరేత్తింది.
ఈ సందర్బంగా ఖిల్లా రోడ్, గాజుల్ పేట్, బడా బజార్, శివాజినగర్, గాయత్రీనగర్, సీతారామ్ నగర్, వర్ని రోడ్, సాయి నగర్ ప్రాంతల లోని మహిళలు బొడ్డెమ్మ చెరువులో బతుకమ్మలను పోయిరా.. పోయిరా బతుకమ్మ అంటూ వదిలారు.
విజయదశమి పర్వదిన శుభాకాంక్షలు
జిల్లా ప్రజలకు విజయదశమి శుభాకాంక్షలు
