బి ఎస్ పి రాష్ట్ర ప్రధాన కార్యదర్శి మౌనం యొక్క అర్థం ఏంటి?

పార్టీలో కొనసాగుతారో.. పార్టీ మారుతారో అని ప్రజల ఎదురుచూపు..

బి ఎస్ పి నాయకుడు మహతి రమేష్

జనం వెలుగు, నిజామాబాద్:- ప్రజానాయకుడిగా, సౌమ్యుడిగా ఆర్ముర్ నియోజకవర్గంలో మంచి పేరు సంపాదించుకొని బి ఎస్ పి పార్టీ రాష్ట్ర ప్రధన కార్యదర్శిగా ఎదిగిన ఆయన ఈ మధ్య కాలంలో సైలెంట్ గా ఉండడం పట్ల ఆయన అనుచరులు అయోమయంలో పడ్డారు. 70 మంది బి సి లను అసెంబ్లీ కు పంపలనే నినాదంతో తెలంగాణ లో చాప క్రింద నీరులా రాష్టం అంత వ్యాపిస్తున్న బి ఎస్ పి యొక్క ప్రధాన కార్యదర్శి అయిన మహతి రమేష్ సైలెంట్ గా ఉండడం పట్ల రాజకీయ విశ్లేషకులకు సైతం అర్థం కావడం లేదు.

గత ఎన్నికల నుండి క్రియాశీలకంగా

గత శాసనసభ ఎన్నికల్లో నిజామాబాద్ అర్బన్ నుంచి పోటీ చేసి నియోజక వర్గంలో రాజకీయ కార్యకలాపాలు కొనసాగిస్తున్న ఆయనకు ఆర్ముర్ నియోజక వర్గ ము పై దృష్టి పడింది. ఆ సమయం లో సిట్టింగ్ ఎం ఎల్ ఏ జీవన్ రెడ్డి కి కౌంటర్ ఇచ్చే నాయకుల కొరత ఉన్న విషయాన్ని గ్రహించి తనకు ఆర్ముర్ లో మంచి రాజకీయ భవిష్యత్తు ఉందని నిజామాబాద్ అర్బన్ ను వదలి ఆర్ముర్ కు మకాం మార్చి ఆర్ముర్ నియోజక వర్గంపై పూర్తి స్థాయి దృష్టి సారించి ప్రతిరోజు ఓ మారుమూల గ్రామం వెళ్లి అంబేద్కర్, కాన్సిరం, బి ఎస్ పి భావజాలాను ప్రజలకు అవగాహన కల్పించి స్థానిక సమస్యల పై వెంటది వెంట గళం విప్పారు అయితే తాజా పరిణామాలతో సందిగ్ధంలో పడిపోయారు. సుదీర్ఘకాలంగా బి ఎస్ పి పార్టీలో ముఖ్య నాయకుడిగా కొనసాగుతున్న మహతి ఆర్ముర్ నియోజక వర్గ టికెట్ ఆశిస్తున్నారు.

పోరాట పటిమ

ఆర్మూర్ నియోజకవర్గంలోని నందిపేట మండలం దత్తాపూర్ గ్రామ దళితుల సమస్య విషయంలో ముందుండి పోరాటాన్ని జరిపారు, అదేవిధంగా నందిపేట మండలం తల్వేద గ్రామంలో డబుల్ బెడ్రూంలు కావాలని గ్రామ ప్రజలు నిరావధిక ధర్నా చేసినప్పుడు గ్రామములో పర్యటించి పేదల గుడిసెలు చూయిస్తూ ” ఇవేనా ఎం ఎల్ ఏ కట్టించిన డబుల్ బెడ్ రూమ్ లు ” అని సూటిగా ఎమ్మెల్యే జీవన్ రెడ్డిని ప్రశ్నించి వార్తలలో ఎక్కారు. నిజామాబాదు జిల్లా నుండి గల్ఫ్ కార్మికులు ఎక్కువగా వలసలు పోతారు కాబట్టి వారి సమస్య లను దేశం దృష్టిలో పడే విధంగా గల్ఫ్ కోఆర్డినేటర్ హోదాలో దుబాయ్ లో గల్ఫ్ కార్మికుల అలాయ్ బలయ్ అనే కార్యక్రమం ద్వారా ఆర్ ఎస్ పి తో భరోసా ఇప్పంచడం లో కీలక పాత్ర పోషించారు. ఇలా ఎన్నో సమస్యల పై కమ్యూనిస్ట్ పార్టీల మాదిరి రోజు ఎదో ఒక సమస్య పైన గళం విప్పే మహతి ఎక్కడ అని ప్రజలు ఎదురు చూస్తున్నారు.

బి ఎస్ పి అంటే బహుజనుల పార్టీగా ప్రయత్నం

బీసీ ల ఆత్మ గౌరవ సభను ఆర్మూయ్ లో పెద్ద ఎత్తున ఏర్పాటు చేసి ఓక బీసీ లీడర్ గా బీసీ లకు ఓక నమ్మకం కల్పించాదమే కాకుండా బి ఎస్ పి అంటే దళితులకు మాత్రమే ప్రాతినిధ్యం వహించే పార్టీగా ఉన్న చేరిపేసి బి ఏస్ పి అంటే బహుజనుల పార్టీ అని బి ఎస్ పి ద్వారనే బి సి లకు మైనారిటీలకు న్యాయం జరుగుతుందని అని ప్రజలలో నమ్మకం కలిగించడంలో సఫలీకృతం అయ్యారు.

పార్టీ కి అన్ని తానై

జిల్లాలో బి ఎస్ పి పార్టీని ఇంటి ఇంటికి పరిచయం చేసిన ఆయన ఇంటినే పార్టీ కార్యాలయంగా, తన వాహనాన్ని పార్టీ వాహనంగా మార్చి తన కారుకు ఏనుగు గుర్తు పెట్టుకొని పార్టీ కార్యక్రమాలకు లక్షల రూపాయలు ఖర్చు చేసిన పార్టీ నాయకత్వం ఆయన సేవలను వాడుకోకుండ కొత్తగా వచ్చిన వారిని వత్తాసు పలకడం ఏంటని ఆయన సన్నిహితులు ప్రశ్నిస్తున్నారు.

ఆర్ ఎస్ పి ఏకపక్ష నిర్ణయాలే కారణమా?

బి ఎస్ పి రాష్ట్ర అధ్యక్షుడు ఆర్ ఎస్ పి ఏక పక్ష నిర్ణయాలతో పార్టీకి డ్యామేజి చేస్తున్నారని కొందరు అంటున్నారు, ప్రధాన కార్యదర్శి పదవికి ప్రోటో కాల్ ప్రకారం ప్రతి విషయాన్ని తెలియపరచి ఉంటుంది కానీ ఆర్ ఎస్ పి తన స్వైరో టీమ్ వారికి మాత్రం వివరాలు చెప్తున్నారని అందుకే గౌరవం లేని చోట సైలెంట్ గా ఉండడమే ఉత్తమము అని పెరు చెప్పడానికి ఇష్టపడని బి ఎస్ పి నాయకుడు అన్నారు.

నిర్ణయం కొరకు సన్నిహితుల ఎదురు చూపు

పార్టీ కొరకు ఎన్నో త్యాగాలు చేసి తన రియల్ ఎస్టేట్ వ్యాపారాన్ని వదిలేసి గత 5 సంవస్తరాలుగా పార్టీ కొరకు సర్వాన్ని ధారపోసిన మహతికి ఇప్పుడు పార్టీలో వున్నా ఇబ్బంది కర పరిస్థితి లో ఇలాగే సైలెంట్ ఉంటారా? లేక జిల్లాలోని ఆర్బన్ లేదా ఆర్ముర్ టికెట్ తీసుకుని పోటీ చేస్తారా? పార్టీకి వీడ్కోలు చెప్పి వేరె పార్టీలో జాయిన్ అవుతారో ? అని నిజామాబాదు అర్బన్, ఆర్మూర్ ప్రజలు, కార్యకర్తలు మహతి రమేష్ నిర్ణయం కోసం ఎదురు చూస్తున్నారు.