మహారాష్ట్రకు ప్రతిరోజు భారీగా తెలంగాణ ఇసుక

జనంవెలుగు, నిజామాబాద్:- మహారాష్ట్ర ట్రాక్టర్ యజమానుల నుంచి భారీగా వసూలు చేస్తున్నరని ప్రచారం జరుగుతోంది. 50 వరకు ట్రాక్టర్లు తెలంగాణ ఇసుకను మహారాష్ట్రకు ప్రతిరోజు తరలింపు మామూలు ఇచ్చిన వారికి వదిలి పెడుతున్నారు ఇవ్వని వారికి పట్టుకొని తూ తూ మంత్రంగా కేసులు చేసి వారి నుంచి భారీగా వసూలు. మామూలు ఇవ్వకపోతే తన ట్రాక్టర్ పట్టుకుని సుమారు 15 నుంచి 20 వేల రూపాయలు వసూలు చేసుకుని వదిలిపెడుతున్నారని ఆరోపణలు ఎక్కకువగా వినిపిస్తున్నాయి. వారి డ్యూటీ ఇసుకపై కాదు కానీ అక్రమ ఇసుక తరలించే వారి వద్ద నుంచి భారీగా వసూలు చేస్తూ వారికి పరోక్షంగా సపోర్ట్ చేయటంలో అధికారులు ఇంట్రెస్ట్ ఏంటని ప్రశ్నర్తకం. అక్రమంగా ఇసుక తరలిస్తున్న ఇసుక మాఫియా దారుల నుంచి అధికారులు భారీగా వసూలు చేస్తున్నరని గుసగుసలు గుప్పుమంటున్నాయి నిజామాబాద్ జిల్లా పొతంగల్ మండల కేంద్రం సరిహద్దు ప్రాంతం చెక్పోస్ట్ వద్ద ఉన్న మంజీర సరిహద్దు ప్రాంతం నుంచి తెల్ల ఇసుకను మహారాష్ట్రకు చెందిన సుమారు 50 మంది ట్రాక్టర్ యజమానులు ప్రతిరోజు ఇసుకను మహారాష్ట్ర కు తరలించి వాటిని విక్రయిస్తూ భారీగా సొమ్ము చేసుకుంటున్నారని, వారిపై నిఘా పెట్టి చర్యలు తీసుకోవాల్సిన సంబంధిత శాఖ అధికారులు, వారి వద్ద భారీగా వసూలు చేస్తూ తమకేమిలే అన్న చందంగా వ్యవహరిస్తూ మహారాష్ట్ర ఇసుక మాఫియా దారులకు పరోక్షంగా సపోర్ట్ చేస్తున్నారని ప్రజలు మండిపడుతున్నారు. అసలు అధికారులు డ్యూటీ ఇసుకపై పర్యవేక్షణ కాదు అయినప్పటికీ అధికారులు అత్యుత్సాహం చూపుతూ తమ విధులు కాకుండా ఉన్నప్పటికీ భారీగా మామూలు వసూలు చేస్తూ ఇవ్వని వారికి బెదిరింపులు చేసి చర్యలు తీసుకుంటామని భయబ్రాంతులకు గురి చేస్తూ, వారి వద్ద భారీగా మామూలు తీసుకుంటూ, నామమాత్రంగా చర్యలు తీసుకొని వదిలి పెడుతున్నారని విమర్శలు వినిపిస్తున్నాయి. ఈ మధ్యకాలంలో మహారాష్ట్రకు చెందిన ఇసుక మాఫియా వాహనాన్ని పట్టుకొని ఓ కార్యాలయంలో పెట్టి అతని వద్ద సుమారు 15 నుంచి 20 వేల రూపాయలు లంచంగా తీసుకున్నారని, నామమాత్రపు చర్యలు తీసుకొని వదిలి పెడుతున్నారని విమర్శలు వినిపిస్తున్నాయి. తెలంగాణలో ఉన్న మంజీరా ఇసుకకు మహారాష్ట్రలో అధిక డిమాండ్ ఉండడం వల్ల, తెలంగాణ మంజీరా నదిలో తెల్ల ఇసుక మంచిగా ఉంటుందని, మహారాష్ట్రలో ఇసుక నల్లగా ఉండి కంకర ఉంటుందని అందుకే తెలంగాణ ఇసుకకు మహారాష్ట్రలో అధిక డిమాండ్ ఉండడంతోపాటు అధిక ధర పలుకుతుందని దీంతో సుమారు మహారాష్ట్ర నుంచి ఒక ముఠాగా ఏర్పడి 50 నుంచి 100 మంది ట్రాక్టర్ల ద్వారా వచ్చి ఇసుకను నింపుకొని పోతూ వాటిని అధికా ధరలకు విక్రయిస్తూ సొమ్ము చేసుకుంటున్నారని విమర్శలు వినిపిస్తున్నాయి. మహారాష్ట్ర ఇసుక మాఫియా దారులు తెలంగాణ మంజీరాలో ఉన్న తెల్ల ఇసుకను తీసుకొస్తుంటే ఎవరైనా స్థానికులు అడ్డుపడితే వారిపై దాడులు చేసి చావు దెబ్బలు కొడుతున్నారని ఇలాంటి సంఘటన ఎన్నో జరిగినవి అని పలువురు ఆరోపిస్తున్నారు. స్థానికులు మహారాష్ట్ర ఇసుక మాఫియా దారులు దాడులు చేశారని చర్యలు తీసుకోవాలని అధికారుల వద్దకు వెళ్తే అధికారులు చర్యలు తీసుకోకపోగా ఉల్టా ప్రశ్నించిన స్థానికులపై చర్యల పేరుతో ఇబ్బందుల పాలు చేస్తున్నారని కారణం ఏమంటే మహారాష్ట్ర ఇసుక మాఫియా దారులు అధికంగా మామూలు ఇవ్వడం వల్ల వారిపై చర్యలు తీసుకోకపోగ వారికి మద్దతుగా ఉంటూ ప్రశ్నించిన స్థానికులపై వేటు వేస్తున్నారని ప్రజలు ఆరోపిస్తున్నారు. మహారాష్ట్ర ఇసుక మాఫియా దార్లకు అధికారులకు మధ్య కొంతమంది తెలంగాణకు సంబంధించిన ఇసుక బ్రోకర్ ఉంటారని వారి ద్వారానే అధికారులకు మామూలు పోతాయని విమర్శలు వినిపిస్తున్నాయి. ఇప్పటికైనా మహారాష్ట్ర ఇసుక మాఫియా దారులపై చర్యలు తీసుకొని తెలంగాణ ఇసుక మహారాష్ట్రకు దొంగలించకుండా దృష్టి పెట్టాలని ప్రజలు కోరుతున్నారు, మహారాష్ట్ర ఇసుక మాఫియా దారులకు పరోక్షంగా సపోర్ట్ చేస్తూ వారి నుంచి భారీగా మామూలు వసూలు చేస్తున్న సంబంధిత శాఖ అధికారులపై చర్యలు తీసుకోవాలని జిల్లా స్థాయి అధికారులు దీనిపై దృష్టి పెట్టాలని ప్రజలు కోరుతున్నారు.