గెలుపు బాటలో అభ్యర్థుల హోరా హోరీ

ఎవరికి వారే ఎత్తులతో ప్రచారం

ఉచిత పథకాల మోజులో స్పందన లేని జనం

జనంవెలుగు, నిజామాబాద్:- ఎన్నికల సమయంలో అభ్యర్థిని, ఓటు వేసి గుర్తును, అభ్యర్థి వ్యక్తిత్వాన్ని ఎలా అంచన వేయాలో ప్రజాకవి కాళోజి చేసిన సూచనలను ఓటర్లు పాటిస్తే ఉన్నంతలో కొంత మెరుగైన వ్యవస్థను తెచ్చుకోవచ్చు. జెండాను చూసి కాకుండా అధికారం మాటున అక్రమార్జన చేసి, ప్రజల పొట్ట కొట్టినాడా? పరిశీలించమన్నాడు. ఈ పరిశీలన అంశాలు ఓటర్లు కచ్చితంగా పాటించవలసిందే.
ఎన్నికల సమయంలో రాజకీయ పార్టీల ముందు పెట్టవలసిన ప్రజల డిమాండ్లు విద్యా, వైద్యం, ఉపాధి మౌలిక అవసరాల కోసం నాయకులను ప్రజలు నిలదీస్తున్నారు. తక్షణ ప్రయోజనం కోసం పార్టీలు ప్రకటిస్తున్న తైయిలాలు ఉచితలకు పేద మధ్యతరగతి వర్గాలు నమ్మడం లేదు. సమాజం యొక్క సుదీర్ఘ భవిష్యత్తును తాకట్టు పెట్టకుండా రాజ్యాంగబద్ధమైన హక్కుల కోసం డిమాండ్ చేయడం హర్షించదగ్గ విషయం. ప్రధానపార్టీ లైన బి ఆర్ఎస్, బిజెపి, కాంగ్రెస్ రాజకీయ పార్టీల ముందు డిమాండ్ రూపంలో పెట్టడం ద్వారా ప్రభుత్వాలని శాసించే స్థాయికి ప్రజలు ముందుకు రావడం నిజంగా గొప్ప విషయం. ఇప్పటికైనా ప్రజల ముందు ఎన్నికల సమయంలో చేసిన పొరపాట్లలను, జరిగిన లోపాలను తీసుకున్న అసంబద్ధ నిర్ణయాలను అంగీకరించకపోతే ప్రజలు యుద్ధంలో ఓడించడానికి సిద్ధంగా ఉన్నారని అంగీకరించక తప్పదు. ప్రస్తుతం బారాస పార్టీ తన మేనిఫెస్టోలో అనేక హామీలను పొందుపరిచిన విషయాన్ని గమనించిన కాంగ్రెస్ భాజపాలు అనివార్యమైన పరిస్థితులలో పోటీపడుతున్న విషయం గమనిస్తే, ప్రజలను స్వతంత్రంగా జీవించడానికి అలవాటు చేస్తే బాగుండేది. ఈ పొరపాటును ఇప్పటికైనా సరిదిద్దుకునే ప్రయత్నం ఏ రాజకీయ పార్టీలు చేయడం లేదు. ప్రజలు గమనిస్తున్నారు. ఉద్యోగాలు ఇవ్వలేదని అనేక చోట్ల నిరుద్యోగులు పోటీలో కొనసాగుతున్నారు. ఈసారి ప్రభుత్వన్ని గద్దే దించడానికి నిరుద్యోగుల పక్షాన విశ్వవిద్యాలయ విద్యార్థులు నడుము కట్టినారు. ప్రభుత్వాన్ని కదిలింప చేస్తున్నారు.

చిరు వ్యాపారులు, పేద కుటుంబాలు కూలీలు, కార్మికులు భూమి లేనటువంటి నిరుపేద వలస జీవులకు ఇప్పటికీ ప్రభుత్వ పరంగా ఎలాంటి సహకారం లేదు. ఈ విషయాన్ని ఇప్పటికీ ప్రభుత్వం గుర్తించకపోవడం బాధ్యత రాహిత్యమే. ప్రజా ప్రతిఘటన తప్పదని మేధావి వర్గం అంటున్నారు.

అసెంబ్లీ ఎన్నికల పోలింగ్ సమయం దగ్గర పడుతున్న కొద్ది నిజామాబాద్, అర్ముర్ నియోజకవర్గంలో ముగ్గురు అభ్యర్థులు నువ్వా… నేనా అనే విధంగా ప్రచారం కొనసాగుతున్నది. ప్రతి అభ్యర్థి తనదైన శైలిలో ప్రచారం చేస్తున్నారు. పార్టీలోని కిందిస్థాయి క్యాడర్ తో నేతల్లో భయం మొదలైంది. అధికార పార్టీ నేతకు సొంత పార్టీ నేతల నుండి వ్యతిరేక పవనాలు వీస్తున్నాయి. హ్యాట్రిక్ విజయం నాదేనని దీమతో ఉన్న నేతకు ఎదురుగాలు వీస్తున్నట్టు తెలుస్తోంది. అనుకున్నా అంచనాలను తారుమారయ్యే అవకాశాలు కనిపిస్తున్నాయి. ప్రజల వ్యతిరేక నిరసనలు, అడ్డగింపులు, లో లోన ఓటమి భయం ఉన్న అవేమీ పట్టనట్టు వ్యవహరిస్తున్నారు. నేతల బెదిరింపులు సామాజిక మధ్యమాల్లో వైరల్ కావడంతో తనకు ఓటమి భయం పట్టుకుందని ప్రజలనుకుంటున్నారు. గ్రామాల్లో ప్రచారం కు వెళ్లినప్పుడు నేతలకు నిరసనలు వ్యక్తం అవుతున్నాయి. డబుల్ బెడ్ రూమ్లు, ఫించన్లు, డీఎస్సీ 98 అభ్యర్థులకు ఉద్యోగాలు ఇవ్వకపోవడం, జర్నలిస్టులకు డబుల్ బెడ్ రూమ్లు ఇవ్వలేదు. బీసీ బందు పథకం నిరుపేదలకు అందలేదు. హామీలు నెరవేర్చలేదని గ్రామాల్లోకి ఎందుకు వస్తున్నారని ఫ్లెక్సీలు వెలుస్తున్నాయి. స్థానిక ప్రతినిధులు మాజీ సర్పంచులు, కౌన్సిలర్లు, బిఆర్ఎస్ పార్టీకి బాయ్ బాయ్ చెబుతూ ఇతర పార్టీల్లో చేరిపోతున్నారు. ఉన్న నేతల్లో కూడా అసహనం గ్రూపు రాజకీయాల ఇబ్బందులు రోజురోజుకు పెరిగిపోతుండడంతో తలనొప్పులు మొదలయ్యాయి. అన్ని పార్టీల అభ్యర్థులు తామే గెలుస్తామని ప్రచారం చేసుకుంటున్నాప్పటికీ గెలుపు ఎవరిని వరిస్తుందో పోలింగ్ తర్వాతే తెలుస్తుంది. బిజెపి బిఆర్ఎస్, కాంగ్రెస్ పార్టీ నేతలకు ఓటమి భయం వెంటాడుతోంది. పార్టీలోని సొంత క్యాడర్ తో వెన్నుపోటు భయాం అభ్యర్థుల్లో మొదలైంది. ఎన్నికల గడువు దగ్గర పడుతున్న కొద్ది నేతల గుండెల్లో రైలు పరిగెడుతున్నాయి. ఏ నేత ఏ పార్టీకి పని చేస్తున్నారో అర్థం కాక ఆ పార్టీల అభ్యర్థులు తలలు పట్టుకుంటున్నారు.

తెలంగాణ ప్రజల ఆకాంక్షలు నెరవేరలేదు

తెలంగాణ ఉద్యమంలో అన్ని వర్గాల ప్రజలు నడుం బిగించి స్వరాష్ట్ర సాధనకై కదం తొక్కారు. రాష్ట్రం వచ్చిన ఆశలు అడిఅ శలయ్యాయి. ప్రస్తుతం తెలంగాణలో ఎన్నికల వాతావరణం మరింత హీటెక్కింది. ఇలాంటి సమయంలో 119 నియోజకవర్గాల్లో నిజామాబాద్, ఆర్మూర్ మాత్రం ప్రత్యేకంగా నిలుస్తున్నాయి.ముక్కోణపు పోటీ కనిపిస్తుంది. కానీ ప్రజలకు ఏ పార్టీని నమ్మాలో ఇప్పటికీ అర్థం కాక సందిగ్ధంలో పడ్డారు. ఈ నేపథ్యంలో ఇండిపెండెంట్ అభ్యర్థులు గెలిచిన ఆశ్చర్య పోవాల్సిన అవసరం లేదు. యువత ఒటే కీలకమంటున్నారు. యువత మాత్రం బరిలో ఉన్న నిరుద్యోగులనే బలపరుస్తున్నారు. అంతిమ విజయం ఎవరిదో వేచి చూడాలి.

తాజా అసెంబ్లీ ఎన్నికల్లో లోకల్ నాన్ లోకల్ ఓ ప్రచార అస్త్రంగా మారింది. పలు నియోజకవర్గాల్లో చివరి నిమిషంలో స్థానికేతర్లకు పార్టీలు టికెట్లు కట్టబెట్టాయి. ఇప్పటికే ఇతర పార్టీల నుంచి బరిలో ఉన్న అభ్యర్థులు లోకల్ అని ముద్ర వేసుకుంటున్నారు. అభ్యర్థులను పరిగణలోకి తీసుకొని స్థానికేతలను గెలిపించుకున్న సందర్భాలు ఉన్నాయి.

కారు గల్లంతే ?

బిఆర్ఎస్ ఎదురీత

అన్ని నియోజకవర్గాల్లో కారు.. సర్కారుకు భంగపాటే

ఈసారి నిజామాబాద్ జిల్లా ప్రాంతంలోని మెజార్టీ నియోజకవర్గాల్లో అధికార పార్టీ బిఆర్ఏస్ గట్టి ఎదురు దెబ్బ తప్పేలా లేదు. ఈ ప్రాంతంలోని బీఆర్ ఎస్ అభ్యర్థులు ఈ ఎన్నికల్లో ఎదురుదుతున్నట్లుగా క్షేత్రస్థాయిలో పరిస్థితులు తేట తెల్లం చేస్తున్నాయి. బరిలో ఉన్న అభ్యర్థుల మీద అనేక అవినీతి ఆరోపణలు అడ్డగోలు దందా లు, దీంతో నిజామాబాద్,అర్ముర్ ప్రాంతంలో అధికార పార్టీ ఓటర్లకు భారీ స్థాయిలో గండి పడే పరిస్థితిలే ఉన్నాయి. కావలసినంత వ్యతిరేకత తెచ్చి పెట్టుకున్నారు.ఆర్మూర్ లో కార్యకర్తలు, ప్రజాప్రతినిధులు ఎమ్మెల్యే ఆగడాలకు, బెదిరింపులకు, రాజకీయాలకు తట్టుకోలేక అసంతృప్తితో వేరే పార్టీలో చేరారు. ఉన్న కొందరు నాయకులకు ఎప్పుడో ఒకప్పుడు తిప్పలు తప్పలేదు ఉండకనే ఉంటూ లోపలి రాజకీయాలు చేస్తున్నారని ప్రజలు గుసాగుసలాడుతున్నారు.

కమలం వికసించేనా ?

బిజెపి అభ్యర్థులు తమదైన శైలిలో మాట్లాడుతూ ప్రత్యర్థులపై హెచ్చరికలతో కూడిన ఆరోపణలు చేయడం వల్ల ప్రజలు మరింత దగ్గర అయ్యారనేది నిజం. ప్రజలు మార్పు కోరుకోవడంతో, గెలిచే అవకాశాలు ఉన్నాయా?ఇప్పటి వరకు సాధించిన అభివృద్ధి ఎదనీ ప్రజలు గుస గుస లాడుతున్నారు. ఏది ఏమైనా రాజకీయ ఎన్నికల ప్రచారం రసవత్తరంగా మారిందని చర్చ జరుగుతోంది.

కాంగ్రెస్ పార్టీ 6 గ్యారంటీ పథకాలు అమలయ్యేనా ?

కాంగ్రెస్ పార్టీ 6 గ్యారెంటీ పథకాలు మేనిఫెస్టో పై ప్రజలు అప నమ్మకంతో ఉన్నారు. సంక్షేమ ఫలాలు సాధ్యం కానివని పలువురు ఆరోపిస్తున్నారు. గతంలో కాంగ్రెస్ అధికారంలో ఉన్న అభివృద్ధి ఏమి జరగలేదని స్థానికులు అంటున్నారు. బ్రష్టు పట్టిన వ్యవస్థకు చరమగీతం పాడే వజ్రాయుధం ఓటు అని ప్రజలు అంటున్నారు.

రసవత్తరంగా మారిన ఆర్మూర్ నిజామా బాద్ రాజకీయం

అసెంబ్లీ ఎన్నికల ప్రచారం తుది దశకు చేరుకుంది. ఎన్నికల సమయం దగ్గరికి రావడంతో అన్ని పార్టీలు ఆఖరిపోరాటానికి సన్నద్దమయ్యాయి. ఎన్నికల్లో ఓట్ల కోసం అభ్యర్థులు పడరని పాట్లు పడుతున్నారు. ఎన్నికల కమిషన్ ఎంత నిఘా పెట్టినా, ఎన్ని చర్యలు తీసుకున్న అభ్యర్థులు ప్రచారానికి భారీగా ఖర్చు చేయడంతో పాటు ఓటర్ల కు రక రకాల తైయిలాలు ఇస్తారన్నది బహిరంగ రహస్యమే. తెలంగాణ రాజకీయ పార్టీలకు వీడ్కోలు పలుకుతారని ప్రజలు అంటున్నారు. పదేళ్ల కాలంలో తెలంగాణ అభివృద్ధి చెందలేదు. అన్ని పార్టీలకు గ్రాఫ్ తగ్గింది. వచ్చేది ఇండిపెండెంట్ అభ్యర్థులేనా అని ప్రజలు ప్రశ్నించుకుంటున్నారు.