Crime
ఇంటింటా పోలీసుల తనిఖీలు-ద్విచక్రవాహనాల స్వాధీనం
ఇంటింటా పోలీసుల తనిఖీలు-ద్విచక్రవాహనాల స్వాధీనం
నందిపేటలో కమ్యూనిటీ కాంటాక్ట్ కార్యక్రమం
జనంవెలుగు, నిజామాబాద్:- ప్రజల రక్షణ – సురక్షిత సమాజ నిర్మాణం లక్ష్యంగా నిజామాబాద్ పోలీస్ కమీషనర్ పి. సాయి చైతన్య ఆదేశాల మేరకు నందిపేట్ మండలంలోని రాజనగర్ దుబ్బ, ఎన్టీఆర్ కాలనీలో కమ్యూనిటీ కాంటాక్ట్ కార్యక్రమం నిర్వహించబడింది. ఈ కార్యక్రమానికి ఆర్మూర్ ఏసీపీ జె. వెంకటేశ్వర్లు రెడ్డి నేతృత్వం వహించగా ఆర్మూర్ డివిజన్ పోలీసు సిబ్బంది పాల్గొన్నారు. ఈ సందర్భంగా ప్రజలకు ఆసాంఘిక కార్యకలాపాలకు దూరంగా ఉండాలని, రాత్రి వేళల్లో అనవసరంగా తిరగరాదని హెచ్చరించారు. ఈవ్ టీజింగ్, మహిళలపై వేధింపులు వంటి అక్రమ చర్యలు చేయరాదని, మత్తు పదార్థాల వినియోగం నుంచి దూరంగా ఉండాలని సూచించారు. ట్రాఫిక్ నియమాలను కచ్చితంగా పాటించాలని ప్రజలను కోరారు. ఇతర రాష్ట్రాలు, దేశాల నుంచి వచ్చిన వారిపై ప్రత్యేక దృష్టి పెట్టాలని, అద్దె ఇల్లు ఇచ్చే యజమానులు జాగ్రత్తగా ఉండాలని సూచించారు. వారు నేరాలకు పాల్పడితే యజమానులపై కూడా చర్యలు తీసుకుంటామని పేర్కొన్నారు. ఈ కార్యక్రమంలో దాదాపు 102 మంది పోలీస్ సిబ్బంది పాల్గొన్నారు. 210 ఇండ్లను పరిశీలించగా, సరైన ధ్రువపత్రాలు లేని 52 ద్విచక్ర వాహనాలు తాత్కాలికంగా స్వాధీనం చేసుకున్నారు. ముగ్గురు కమ్యూనల్ రౌడీలు, నాలుగురు సస్పెక్ట్ షీట్ ఉన్న వ్యక్తుల‌ను పోలీసులు తనిఖీ చేశారు. ఫింగర్ ప్రింట్ పరికరం ద్వారా 10 మందిని గుర్తించారు. నెంబర్ ప్లేట్ లేకుండా తిరిగే వాహనాలు, మోడిఫైడ్ సైలెన్సర్లు వేశారనే ఆధారాలతో 12 వాహనాలను పోలీస్ స్టేషన్‌కు తరలించారు. ఈ కార్యక్రమంలో అర్మూర్ డివిజన్‌కి చెందిన 9 మంది ఎస్సైలు, ఏఎస్ఐలు, స్పెషల్ పార్టీ, రిజర్వ్ సిబ్బంది తదితరులు పాల్గొన్నారు.
జాలరి వల విసిరితేనే…. జానెడు పొట్టకు..జీవనం..
కాని తాను.. విసిరే వల.. తన మడకే చుట్టుకొని తననే కాటేస్తదనుకోలేదు ఆ గంగా పుత్రుడు. అటువంటి దురదృష్ట ఘటన ఒకటి డొంకేశ్వరం మండలంలో చోటు చేసుకుంది.
నందిపేట్ సెప్టెంబర్ 30 జనం వెలుగు:- నిజమాబాద్ జిల్లా డొంకేశ్వర్ మండల కేంద్రానికి చెందిన మాడబోయి కట్ట గణేష్ (37) సోమవారం ఎస్ఆర్ఎస్పి ముంపు ప్రాంతం గంగాసముందర్ గ్రామ శివారు గంగలో చేపలు పట్టేందుకు వెళ్లి ప్రమాద వశాత్తు వల చుట్టుకొని మరణించడం జరిగింది. స్థానిక ఎస్సై వినయ్ కుమార్ తెలిపిన వివరాల ప్రకారం…
కట్ట గణేష్ సోమవారం సాయంత్రం 4 గంటలకు ఎస్సారెస్పీ బ్యాక్ వాటర్ లో చేపలు పట్టడానికి వెళ్లి తిరిగి ఇంటికి రాలేడు, మంగళవారం ఉదయం 7 గంటల 30 ని:కు గంగ సముందర్ గ్రామ శివారు గంగాలో శివమై తేలినాడని
గణేష్ భార్య కట్ట కళ్యాణి ఫిర్యాదు మేరకు కేసు నమోదు చేసుకొని దర్యాప్తు చేస్తున్నామని ఎస్సై తెలిపారు. మృతునికి కొడుకు యోగేష్, కూతురు హన్సిక కలరని ఆయన అన్నారు. గంగాపుత్రులకు వారి వలలే వారికి శాపంగా మారి తరచూ మృత్యువాత పడుతున్నారు.
ఇటువంటి ఘటనలు పునరావృతం కాకుండా మత్స్యశాఖ తగు చర్యలు చేపట్టలని, ఆ వలల బారిన పడకుండా ప్రత్యేక శిక్షణ ఇప్పించేందుకు ప్రయత్నాలు చేపట్టాలని ప్రజల అభిప్రాయపడుతున్నారు.
మోసం కేసులో లక్కంపల్లి సర్పంచ్ అరెస్ట్…..
నందిపేట్ సెప్టెంబర్ 19 జనం వెలుగు: నిజామాబాద్ జిల్లా నందిపేట మండలం లక్కంపల్లి గ్రామ సర్పంచ్ బొల్లపల్లి సంతోష్ గౌడ్ ను చీటింగ్ కేసులో పోలీసులు అరెస్టు చేశారు. శుక్రవారం రూరల్ నార్త్ సీఐ శ్రీనివాస్ తెలిపిన వివరాల ప్రకారం మాక్లూర్ మండలం మణిక్ బండార్ గ్రామ
శివారులో గల గండ్ర రివర్ వ్యూ అనే రియల్ ఎస్టేట్ వెంచర్కు సంబంధించిన లావాదేవీల్లో దాదాపు 8 కోట్ల వరకు లెక్కలు తారుమారు అయ్యాయని వెంచర్ యాజమాన్యం ఫిర్యాదు మేరకు సంతోష్ గౌడ్ పై చీటింగ్ కేసు నమోదు చేయడం జరిగిందని తెలిపారు.
అయితే సంతోష్ గౌడ్ సర్పంచ్ కాకముందు రియల్ ఎస్టేట్ కు సంబంధించిన వెంచర్లో ఉద్యోగం చేసేవాడని యాజమాన్యానికి తెలియకుండా మరికొంత మంది వ్యక్తులతో కలిసి ప్లాట్లు లావాదేవీలు చేసే పెద్ద ఎత్తున డబ్బులు దండుకొని మొన్న జరిగిన సర్పంచ్ ఎన్నికల్లో ఖర్చు పెట్టి గెలిచాడేమోనని ప్రజలు గుసగుసలాడుతున్నారు.
ఏది ఏమైనా గ్రామ ప్రథమ పౌరుడు సేవా దృక్పథం, తమ ప్రజలకు ఎవరైనా మోసం చేస్తే ముందు నిలబడే నాయకుడుగా ఉండాలని కోరుకుంటారని, అలాంటి ప్రథమ పౌరుడు పైనే మోసం కేసు నమోదవడం తో ఒక్కసారిగా ఆశ్చర్యానికి గురవుతున్నారు.
నడిరోడ్డుపై వాడిన సిరంజీ సూదులు….
స్వతంత్ర వేడుకలకు స్వాగతం పలుకుతూ… రోడ్డుపైనే సిరంజీ సూదులు
మండల కేంద్రం నంది విగ్రహం వద్ద రోడ్డుపై వందలాది సూదులు
నందిపేట్ ఆగస్టు 15 జనం వెలుగు: నిజామాబాద్ జిల్లా నందిపేట మండల కేంద్ర నంది విగ్రహం వద్ద శనివారం ఉదయాన్నే నడిరోడ్డుపై వాడిన సిరంజీ సూదరులు విచ్చలవిడిగా పడి ఉన్నాయి. నేడు స్వాతంత్ర వేడుకలు సందర్భంగా గ్రామపంచాయతీ వారు రాత్రి నుండే మండల కేంద్రం రోడ్లన్నీ శుభ్రపరిస్తే ఉదయాన్నే రోడ్డంతా ఉపయోగించిన సిరంజీ సూదులు విచ్చలవిడిగా పడి ఉండడంతో పాదచారులకు తీవ్ర ఇబ్బంది కలిగింది.
హాస్పిటల్స్ లో ఉపయోగించే ఈ ఇంజక్షన్ల నీడిల్సు వాడిన తర్వాత బయో మెడికల్ వేస్టేజ్ బాక్స్ లో వేసి ఎంతో జాగ్రత్తగా డంపు యార్డుకు తరలించాల్సి ఉంటుంది. ఈ యూజుడ్ ఇంజక్షన్స్, నీడిల్స్ ద్వారా హెచ్ఐవి, హెపటైటీస్ బి/సి లాంటి ఇన్ఫెక్షన్స్ జరిగే ప్రమాదం ఉంది.
కానీ మండల కేంద్రంలో మాత్రం విచ్చలవిడిగా పి ఎంపీ, ఆర్ఎంపీ ల పేరిట గల్లీకో దవఖాన పేరుతో ప్రజలను దోపిడీ చేస్తున్నారు. కనీసం మెడికల్ నిబంధనలను కూడా పాటించకుండా ఇలాంటి ఘటనలు జరగడం శోచనీయం ఇటువంటి వారిపై అధికారులు చర్య తీసుకోవాలని ప్రతి హాస్పిటల్స్ లో బయో మెడికల్ వేస్టేజ్ బాక్సులు ఉండేటట్టు చూడాలని ప్రజలు అభిప్రాయపడుతున్నారు.
ఎల్ నినో నేపథ్యంలో ఆరుతడి పంటలనే సాగు చేయాలి
ప్రజావాణి ఫిర్యాదులను సత్వరమే పరిష్కరించాలి
