నిజామాబాద్
పోలీస్ అమరవీరుల సంస్మరణ వారోత్సవాల్లో రక్తదాన శిబిరం నిర్వహణ


పోలీస్ అమరవీరుల సంస్మరణ దినోత్సవంలోవారోత్సవాల్లో రక్తదాన శిబిరం నిర్వహణ
జనంవెలుగు, నందిపేట్:- పోలీస్ అమరవీరుల సంస్మరణ వారోత్సవాలను పురస్కరించుకొని బుధవారం రోజు ఆర్మూర్ ఏసీపీ వెంకటేశ్వర్ రెడ్డి ఆధ్వర్యంలో రక్తదాన శిబిరం ఏర్పాటు చేశారు. ఈ శిబిరంలో నందిపేట్ మండల సబ్ ఇన్స్పెక్టర్ శ్యామ్ రాజ్ సమన్వయంతో మండల నాయకులు, యువకులు పాల్గొన్నారు.


మొత్తం 30 మంది స్ఫూర్తిదాయకంగా రక్తదానం చేశారు. ఈ సందర్భంగా నిజామాబాద్ పోలీస్ కమిషనర్ సాయి చైతన్య మాట్లాడుతూ, రక్తదానం చేసిన ప్రతి ఒక్కరిని అభినందిస్తూ, పోలీస్ అమరవీరుల త్యాగాలను స్మరించుకోవడం ప్రతి పౌరుడి బాధ్యత అని పేర్కొన్నారు. ఈ కార్యక్రమంలో నందిపేట్ మండల నాయకులు మంద మహిపాల్, బైండ్ల ప్రశాంత్, హరీష్, పీరాజీ నాగరాజు, మన్నె సాగర్, సుమన్, మెండు శ్రీకాంత్, సతీష్ తదితరులు పాల్గొన్నారు.
నిజామాబాద్
టీజీఎస్ఆర్టీసీ బస్ స్టాండ్లో సదుపాయాల పరిశీలన


టీజీఎస్ఆర్టీసీ బస్ స్టాండ్లో సదుపాయాల పరిశీలన
జనంవెలుగు, నిజామాబాద్:- నిజామాబాద్ టీజీఎస్ఆర్టీసీ బస్ స్టాండ్, ఆర్.ఎం. కార్యాలయ భవనాల స్థితిని సమీక్షించేందుకు కార్పొరేట్ చీఫ్ ఇంజనీర్ (CCE) కవిత నేడు విస్తృత తనిఖీలు నిర్వహించారు. ఈ సందర్భంగా గోడలు, పైకప్పులు, డ్రైనేజ్ వ్యవస్థ, ప్రయాణికుల విశ్రాంతి గదులు, టికెట్ కౌంటర్లు తదితర కీలక విభాగాలను పూర్తిగా పరిశీలించారు. CCE వెంట రీజినల్ మేనేజర్ టి. జోస్నా, డిప్యూటీ రీజినల్ మేనేజర్ మధుసూదన్, డిపో మేనేజర్లు, ఇంజనీరింగ్ విభాగ అధికారులు, సెక్యూరిటీ సిబ్బంది పాల్గొన్నారు. బస్ స్టాండ్లో వెంటనే మరమ్మతులు అవసరమైన ప్రాంతాలను గుర్తించి, తక్షణం చర్యలు ప్రారంభించాలని ఆమె అధికారులకు సూచనలు అందించారు. ప్రయాణికుల సౌకర్యాలు, భద్రత, పరిశుభ్రతపై ఎలాంటి నిర్లక్ష్యం ఉండకూడదని పేర్కొంటూ, పాడైపోయిన భవన భాగాల మరమ్మతులను వెంటనే చేపట్టాలంటూ సంబంధిత విభాగానికి ఆదేశాలు జారీ చేశారు.
నిజామాబాద్
శ్రీ విశ్వభారతి హై స్కూల్ నందు బాలల దినోత్సవ కార్యక్రమం


శ్రీ విశ్వభారతి హై స్కూల్ నందు బాలల దినోత్సవ కార్యక్రమం.
జనం వెలుగు, భీంగల్ :- నిజామాబాద్ జిల్లా బాల్కొండ నియోజకవర్గం భీంగల్ పట్టణంలో శ్రీ విశ్వభారతి హై స్కూల్లో శుక్రవారం రోజున బాలల దినోత్సవాన్ని ఘనంగా నిర్వహించారు. ఈ సందర్భంగా విద్యార్థుల్లో ప్రతిభను వెలికి తీయడానికి ఉపన్యాస పోటీలు, డ్రాయింగ్ పోటీలు మరియు నృత్య ప్రదర్శనలు నిర్వహించారు. ఇండియా టాలెంటెడ్ ఒలంపియాడ్లో విజయం సాధించిన విద్యార్థులకు భీంగల్ మండల ఎంఈఓ స్వామి సర్టిఫికెట్లు మరియు పథకాలను అందజేశారు. విద్యార్థులను ప్రోత్సహిస్తూ ఆయన భవిష్యత్తులో మరింత ఉన్నత శిఖరాలు అధిరోహించాలని ఆకాంక్షించారు. ఈ కార్యక్రమంలో కరస్పాండెంట్ నీదిన్ రాజ్, హెడ్ మాస్టర్ అపర్ణాశృతి మరియు అధ్యాపక బృందం పాల్గొన్నారు
Crime
కెనాల్లో పడి వృద్ధురాలు మృతి


కెనాల్లో పడి వృద్ధురాలు మృతి
జనంవెలుగు, నందిపేట్:- నందిపేట మండల కేదారేశ్వర ఆశ్రమ సమీపంలో గల నిజాంసాగర్ కెనాల్ లో కైరి గంగమని 65 సంవత్సరాలు, నివాసం పంగర బోర్గం, కులం గౌడ, అనే వృద్ధురాలు ప్రమాదవశాత్తు కెనాల్ లో జారిపడి మృతి చెందిన ఘటన గురువారం సాయంత్రం జరిగింది. అటుగా వెళుతున్న బర్ల కాపరి ఇచ్చిన సమాచారం మేరకు పోలీసులు సంఘటన స్థలానికి వెళ్లి మృతురాలి వివరాలను సేకరించి కుటుంబ సభ్యులకు సమాచారం అందించారు. పోస్టుమార్టం నిమిత్తం జిల్లా ఆస్పత్రికి తరలించామన్నారు, కేదారేశ్వర ఆశ్రమంలో సేవ చేసేందుకు వచ్చిన వృద్ధురాలు కాల కృత్యాల కొరకు బయటకు వచ్చి కెనాల్ లో ప్రమాదవశాత్తు పడి మరణించి ఉండొచ్చని, మృతురాలు పంగర బోర్గాం గ్రామ నివాసి అని, అప్పుడప్పుడు ఆశ్రమానికి వచ్చి సేవ చేసుకునే వెళ్లేదని మృతు రాలి బంధువులు తెలిపారని, వారి ఫిర్యాదు మేరకు కేసు నమోదు చేసుకుని దర్యాప్తు చేస్తున్నామని, శవాన్ని పోస్టుమార్టంకి పంపడం జరిగిందని ఎస్సై శ్యామ్ రాజ్ తెలిపారు.








