నిజామాబాద్
శంభు లింగేశ్వర ఆలయంలో సామూహిక కుంకుమార్చన


శంభు లింగేశ్వర ఆలయంలో సామూహిక కుంకుమార్చన
జనంవెలుగు, నిజామాబాద్: నగరంలోని స్వయంభు శ్రీ శంభు లింగేశ్వర స్వామి ఆలయంలో కార్తీక మాసం సందర్భంగా సామూహిక కుంకుమార్చన కార్యక్రమం ఘనంగా నిర్వహించారు. జిల్లా ఎండోమెంట్ సహాయ కమిషనర్ విజయరామారావు ఆదేశాల మేరకు ఆలయ ఈఓ రాములు ఆధ్వర్యంలో ఈ కార్యక్రమం జరిగింది.
మహిళా భక్తులు పెద్ద ఎత్తున పాల్గొని శివనామ స్మరణతో ఆలయ ప్రాంగణాన్ని భక్తిరసమయంగా మారుస్తూ కుంకుమార్చన కార్యక్రమాన్ని నిర్వర్తించారు. ఈ సందర్భంగా పాల్గొన్న మహిళలకు బ్లౌజ్ పీస్లు, గాజులు పంపిణీ చేయడం జరిగింది. అర్చకులు రాజుకిరణ్, రఘురామ్ వ్యాస్ మంత్రోచ్ఛారణ మధ్య ప్రత్యేక పూజా కార్యక్రమాలు నిర్వహించారు. ఈ సందర్భంగా ఆలయ ఈఓ రాములు మాట్లాడుతూ కార్తీక మాసం పొడవునా పలు వైవిధ్యభరిత భక్తి కార్యక్రమాలు నిర్వహించనున్నట్లు తెలిపారు. ఆలయ అభివృద్ధి కోసం భక్తులు సహకరించాలని ఆయన కోరారు. భక్తుల సందడి మధ్య కార్యక్రమం భక్తి భావంతో విజయవంతంగా ముగిసింది.
ఈ కార్యక్రమంలో ఆలయ చైర్మన్ బింగి మధు, ధర్మకర్త మండలి సభ్యులు కిషోర్ దాయమ, గోపు రేఖ, సిబ్బంది టీకాజీ గారి కిషోర్, తానేష్, అలాగే మహిళా భక్తులు తమ్మలి రమాదేవి, పావని రెడ్డి, బిందు, రాణి, జంపాడి జ్యోతి, బస్వాయ్యోల్లా లక్ష్మి, మెతుకు రమాదేవి తదితరులు పాల్గొన్నారు.
నిజామాబాద్
టీజీఎస్ఆర్టీసీ బస్ స్టాండ్లో సదుపాయాల పరిశీలన


టీజీఎస్ఆర్టీసీ బస్ స్టాండ్లో సదుపాయాల పరిశీలన
జనంవెలుగు, నిజామాబాద్:- నిజామాబాద్ టీజీఎస్ఆర్టీసీ బస్ స్టాండ్, ఆర్.ఎం. కార్యాలయ భవనాల స్థితిని సమీక్షించేందుకు కార్పొరేట్ చీఫ్ ఇంజనీర్ (CCE) కవిత నేడు విస్తృత తనిఖీలు నిర్వహించారు. ఈ సందర్భంగా గోడలు, పైకప్పులు, డ్రైనేజ్ వ్యవస్థ, ప్రయాణికుల విశ్రాంతి గదులు, టికెట్ కౌంటర్లు తదితర కీలక విభాగాలను పూర్తిగా పరిశీలించారు. CCE వెంట రీజినల్ మేనేజర్ టి. జోస్నా, డిప్యూటీ రీజినల్ మేనేజర్ మధుసూదన్, డిపో మేనేజర్లు, ఇంజనీరింగ్ విభాగ అధికారులు, సెక్యూరిటీ సిబ్బంది పాల్గొన్నారు. బస్ స్టాండ్లో వెంటనే మరమ్మతులు అవసరమైన ప్రాంతాలను గుర్తించి, తక్షణం చర్యలు ప్రారంభించాలని ఆమె అధికారులకు సూచనలు అందించారు. ప్రయాణికుల సౌకర్యాలు, భద్రత, పరిశుభ్రతపై ఎలాంటి నిర్లక్ష్యం ఉండకూడదని పేర్కొంటూ, పాడైపోయిన భవన భాగాల మరమ్మతులను వెంటనే చేపట్టాలంటూ సంబంధిత విభాగానికి ఆదేశాలు జారీ చేశారు.
నిజామాబాద్
శ్రీ విశ్వభారతి హై స్కూల్ నందు బాలల దినోత్సవ కార్యక్రమం


శ్రీ విశ్వభారతి హై స్కూల్ నందు బాలల దినోత్సవ కార్యక్రమం.
జనం వెలుగు, భీంగల్ :- నిజామాబాద్ జిల్లా బాల్కొండ నియోజకవర్గం భీంగల్ పట్టణంలో శ్రీ విశ్వభారతి హై స్కూల్లో శుక్రవారం రోజున బాలల దినోత్సవాన్ని ఘనంగా నిర్వహించారు. ఈ సందర్భంగా విద్యార్థుల్లో ప్రతిభను వెలికి తీయడానికి ఉపన్యాస పోటీలు, డ్రాయింగ్ పోటీలు మరియు నృత్య ప్రదర్శనలు నిర్వహించారు. ఇండియా టాలెంటెడ్ ఒలంపియాడ్లో విజయం సాధించిన విద్యార్థులకు భీంగల్ మండల ఎంఈఓ స్వామి సర్టిఫికెట్లు మరియు పథకాలను అందజేశారు. విద్యార్థులను ప్రోత్సహిస్తూ ఆయన భవిష్యత్తులో మరింత ఉన్నత శిఖరాలు అధిరోహించాలని ఆకాంక్షించారు. ఈ కార్యక్రమంలో కరస్పాండెంట్ నీదిన్ రాజ్, హెడ్ మాస్టర్ అపర్ణాశృతి మరియు అధ్యాపక బృందం పాల్గొన్నారు
Crime
కెనాల్లో పడి వృద్ధురాలు మృతి


కెనాల్లో పడి వృద్ధురాలు మృతి
జనంవెలుగు, నందిపేట్:- నందిపేట మండల కేదారేశ్వర ఆశ్రమ సమీపంలో గల నిజాంసాగర్ కెనాల్ లో కైరి గంగమని 65 సంవత్సరాలు, నివాసం పంగర బోర్గం, కులం గౌడ, అనే వృద్ధురాలు ప్రమాదవశాత్తు కెనాల్ లో జారిపడి మృతి చెందిన ఘటన గురువారం సాయంత్రం జరిగింది. అటుగా వెళుతున్న బర్ల కాపరి ఇచ్చిన సమాచారం మేరకు పోలీసులు సంఘటన స్థలానికి వెళ్లి మృతురాలి వివరాలను సేకరించి కుటుంబ సభ్యులకు సమాచారం అందించారు. పోస్టుమార్టం నిమిత్తం జిల్లా ఆస్పత్రికి తరలించామన్నారు, కేదారేశ్వర ఆశ్రమంలో సేవ చేసేందుకు వచ్చిన వృద్ధురాలు కాల కృత్యాల కొరకు బయటకు వచ్చి కెనాల్ లో ప్రమాదవశాత్తు పడి మరణించి ఉండొచ్చని, మృతురాలు పంగర బోర్గాం గ్రామ నివాసి అని, అప్పుడప్పుడు ఆశ్రమానికి వచ్చి సేవ చేసుకునే వెళ్లేదని మృతు రాలి బంధువులు తెలిపారని, వారి ఫిర్యాదు మేరకు కేసు నమోదు చేసుకుని దర్యాప్తు చేస్తున్నామని, శవాన్ని పోస్టుమార్టంకి పంపడం జరిగిందని ఎస్సై శ్యామ్ రాజ్ తెలిపారు.








