నిజామాబాద్ కమిషనరేట్ పరిధిలో వారం రోజుల్లో 138 డ్రంక్ అండ్ డ్రైవ్ కేసులు

రూ.11.10 లక్షల జరిమానా విధింపు – 9 మందికి జైలు శిక్ష

జనం వెలుగు, నిజామాబాద్: నిజామాబాద్ పోలీస్ కమిషనరేట్ పరిధిలో డ్రంక్ అండ్ డ్రైవ్‌పై చేపట్టిన ప్రత్యేక తనిఖీల్లో గడిచిన వారం రోజుల్లో 138 కేసులు నమోదు చేసినట్లు పోలీస్ కమిషనర్ శ్రీ పి. సాయి చైతన్య, ఐపీఎస్ వెల్లడించారు.

తేదీ 25-05-2026 నుండి 30-05-2026 వరకు నిజామాబాద్, ఆర్మూర్, బోధన్ డివిజన్లు మరియు ట్రాఫిక్ పోలీస్ స్టేషన్ల పరిధిలో నిర్వహించిన వాహన తనిఖీల్లో మద్యం సేవించి వాహనాలు నడుపుతున్న 138 మందిని గుర్తించి కేసులు నమోదు చేశారు. అనంతరం వారిని నిజామాబాద్, బోధన్, ఆర్మూర్ కోర్టుల్లో హాజరుపరచగా, 9 మందికి వారం రోజుల జైలు శిక్ష విధించగా, మిగిలిన వారికి మొత్తం రూ.11,10,000 జరిమానా విధించినట్లు తెలిపారు.

ఈ సందర్భంగా పోలీస్ కమిషనర్ మాట్లాడుతూ మద్యం సేవించి వాహనాలు నడపడం వల్ల రోడ్డు ప్రమాదాలు పెరిగే ప్రమాదం ఉందని, ప్రజలు తప్పనిసరిగా ట్రాఫిక్ నిబంధనలు పాటించాలని సూచించారు.

పోలీస్ కమిషనర్ సూచనలు:

• మద్యం సేవించి వాహనాలు నడపరాదు.

• వాహనాలకు సంబంధించిన అన్ని పత్రాలు వెంట ఉంచుకోవాలి.

• డ్రంక్ అండ్ డ్రైవ్‌లో పట్టుబడిన వారి డ్రైవింగ్ లైసెన్స్ 6 నెలల పాటు సస్పెండ్ చేయబడుతుంది.

• మద్యం సేవించి వాహనం నడిపి ప్రమాదానికి గురైతే బీమా ప్రయోజనాలు లభించవు.

• మైనర్లు మద్యం సేవించి వాహనాలు నడిపితే మైనర్‌తో పాటు వాహన యజమానిపై కూడా కేసులు నమోదు చేసి జైలు శిక్ష విధించే అవకాశం ఉంటుంది.

• ఒకటి కంటే ఎక్కువసార్లు డ్రంక్ అండ్ డ్రైవ్‌లో పట్టుబడితే కఠిన చర్యలతో పాటు జైలు శిక్ష విధించబడుతుంది.

మోటార్ వెహికల్ యాక్ట్–1988 సవరణ చట్టం–2019 ప్రకారం మొదటిసారి డ్రంక్ అండ్ డ్రైవ్‌లో పట్టుబడితే రూ.10,000 జరిమానా లేదా ఆరు నెలల జైలు శిక్ష లేదా రెండూ విధించవచ్చని, రెండోసారి పట్టుబడితే రూ.15,000 జరిమానా లేదా జైలు శిక్ష లేదా రెండూ విధించే అవకాశం ఉందని కమిషనర్ హెచ్చరించారు.

మంటగలిసిన మాతృత్వం 

ఆడబిడ్డను కనీ నిర్మాణస్య ప్రాంతంలో విసిరేసిన వైనం 

నందిపేట్ మే 24 జనం వెలుగు: మాతృత్వం మంట కలిసింది.. ఆడబిడ్డను కనీ నిర్మాణస్య ప్రాంతంలో విసిరేసిన వైనం నందిపేట మండల కేంద్ర రాజ్ నగర్ దుబ్బ రెహిమానియా మజీద్ ప్రాంతం

హనీ రెస్టారెంట్ వెనకాల కాళీ ప్రాంతంలో అప్పుడే పుట్టిన పసికందును కర్కశంగా మండుటెండలో విసిరేసి వెళ్లడం జరిగింది. వివరాల్లోకి వెళితే మెయిన్ రోడ్డు లో గల పాత హనీ రెస్టారెంట్ వెనకాల కాళీ ప్రాంతంలో పసికందును ఘర్కశంగా విసిరేశారు.

స్థానిక చిన్నపిల్లలు క్రికెట్ ఆడదామని గేటు పైనుంచి ఆ నిర్మాణస్య ప్రాంతంలో వెళ్లేసరికే అక్కడ ఒక పసి గుడ్డు ఏడుపులు విని వెంటనే అసిఫాన్ అనే బాలుడు వాళ్ళ అమ్మ నాన్నకు తెలపడంతో వెంటనే వాళ్లు ఆ పసి గుడ్డును హాస్పిటల్కు తీసుకెళ్లడం జరిగింది.

అయినా పరిస్థితి విషమించడంతో హాస్పిటల్లో ఆ పసి గుడ్డు మరణించడం జరిగింది. పోలీసులు సంఘటన స్థలానికి చేరుకొని దర్యాప్తు చేస్తున్నారు. ఏది ఏమైనా ఆడపిల్ల అనే నెపంతోనో.. లేదా అక్రమ సంబంధమో..

తెలియదు కానీ అభం శుభం తెలియని ఆ చిన్నారిని మండుటెండలో విశ్రేయడం మాతృత్వానికే మచ్చ అని ఇటువంటి చర్యకు పాల్పడిన వారిపై కఠినంగా చర్య తీసుకోవాలని ప్రజలు కోరుకుంటున్నారు.

చిరిగిన నోట్లతో. ఏటీఎం మోసాలు,..

నందిపేట్ మే 19 జనం వెలుగు:- నందిపేట మండల కేంద్ర సుఖీభవ హాస్పిటల్ పక్కన గల ఇండియ 1 ఏటీఎంలో చిరిగిన, కాలిన 500 రూపాయల నోట్లు రావడంతో బాధితులు గగ్గోలు పెడుతున్నారు. మండల కేంద్రానికి చెందిన షేక్ అయ్యుబ్ తన అమ్మగారి ఆరోగ్యం కొరకు ఎమర్జెన్సీగా అందుబాటులో ఉన్న ఇండియా వన్ ఏటీఎంలో

   మంగళవారం ఉదయం 7గంటల ప్రాంతంలో 4000 రూపాయలను డ్రా చేయగా మొత్తం చిరిగిన కాలిన సగం తుకుడలతో 500 రూపాయల నోట్లు రావడంతో ఒక్కసారిగా ఉలిక్కిపడ్డాడు. ఇటువంటి పరిస్థితి ఎవరికి చెప్పుకోవాలో తెలియక వెంటనే పోలీస్ స్టేషన్కు వెళ్లి కంప్లైంట్ చేశాడు.

   వారి సలహా మేరకు బ్యాంకులో అడగగా బ్యాంకు మేనేజర్ కు కూడా కంప్లైంట్ చేయడం జరిగిందని వాపోయాడు. నిన్న కూడా ఇదే ఏటీఎంలో 4,500 చిరిగిన నోట్లు వచ్చాయని, వారికి ఏం చేయాలో తెలియక ఆ చిరిగిన నోట్లోనే తీసుకొని వెళ్లారని ఏటీఎం పక్కనే గల జ్యూస్ అమ్మే వ్యక్తి తెలిపారు.

    ఏటీఎంలో డబ్బులు మార్చే ఏజెన్సీలు ఇలాంటి మోసాలు చేసే అవకాశం ఉందని వెంటనే సంబంధిత అధికారులు, పోలీసులు డబ్బులు మార్చే వ్యక్తులు ఎవరో గుర్తుపట్టి వారిపై కఠిన చర్య తీసుకొని, ఏజెన్సీలపైన కూడా రేటు పడేటట్టు చూడాలని, చాలా అత్యవసర పరిస్థితులలో ప్రజలకు బ్యాంకులు అందుబాటులో ఉండవు కాబట్టి ఇటువంటి ప్రైవేటు ఏటీఎంలు చాలా ఉపయోగపడతాయి కానీ

   ఇలాంటి ఘరానా మోసగాళ్ల ద్వారా బాధితులు తీవ్రంగా నష్టపోతున్నారు. వెంటనే బాధ్యులను పట్టుకొని ఏజెన్సీల పై కూడా కేసులు నమోదు చేయాలని ప్రజలు కోరుకుంటున్నారు.