కమ్యూనిస్టు పార్టీ సెక్రటరీ,ప్రజా నేస్తం బోరన్నగారి నేతాజీ సుభాష్ చంద్రబోస్ పిలుపు

జనం వెలుగు:- భారత రాజ్యాంగ స్ఫూర్తితో పాలన జరగాలని,
అన్ని రకాల మత ఉగ్రవాదం ప్రజాస్వామ్యానికి ప్రమాదకరమని,
మనువాద ఆధిపత్యాన్ని, వివక్షను భూస్థాపితం చేయాలని, కులనిర్మూలన సాధన కోసం ప్రత్యేక కార్యక్రమాలు చేపట్టాలని, వెనుకబడిన, వెనుకపడేయబడిన ప్రాంతాల అభివృద్ధి జరగాలని, ప్రత్యేకంగా ప్రభుత్వమే విద్య, వైద్యం, ఉపాధి రంగాలను నిర్వహించాలని సిపిఐ ఎం-ఎల్ కమ్యూనిస్టు పార్టీ సెక్రటరీ ప్రజా నేస్తం, బాధితుల బంధువు బోరన్నగారి నేతాజీ సుభాషన్న కేంద్ర, రాష్ట్ర ప్రభుత్వాలనుడిమాండ్ చేశారు.

భారతదేశంలో అత్యంత ప్రమాదకరంగా పరిణామం చెందుతున్న మతోన్మాద ఫాసిజాన్ని ఎదుర్కోకపోతే, భారతదేశ ప్రజల జీవన విధానం భయంకరంగా మారబోతుందనే నగ్న సత్యాన్ని ప్రజలు అర్థం చేసుకోకపోతే, చారిత్రక తప్పిదం అవుతుందని ప్రజా నేస్తం బోరన్నగారి నేతాజీ సుభాష్ చంద్రబోస్ పేర్కొన్నారు. నేటి సమాజంలో జీవిస్తున్న నీవు, నేను మాత్రమే కాదు మనమందరం భవిష్యత్ తరాలకు ద్రోహం చేసిన వాళ్ళం అవుతామని సుభాషన్న తెలిపారు.

భారతదేశంలో ఇప్పటికే ప్రమాదకరంగా చలామణి అవుతున్న మనువాద ,కుల క్రూరత్వానికి తోడుగా దేశంలో రాకెట్ వేగంతో వస్తున్న ఫాసిజం ప్రజల కనీస హక్కులను కాలరాయబోతున్నదని, ఫాసిజానికి బహుముఖాలు వుంటాయనే చారిత్రక సత్యాన్ని గుర్తించాలని ప్రజా నేస్తం బోరన్నగారి నేతాజీ సుభాషన్న కోరారు.

ఫాసిజం ఒక్కో దేశంలో ఒక్కో విధంగా ఉంటు, వివిధ దోపిడీ పాలక పార్టీలు ఫాసిజాన్ని వారి భావజాల పాలసీల ఆధారంగా, భారతదేశంలో మతోన్మాదం ఆధారంగా అమలు చేస్తున్నాయని, ఐడియాలజీ, ఫిలాసఫీ, పాలసీ, ఎత్తుగడలు ఏర్పాటు చేసుకున్న బిజేపీ పార్టీ ఫాసిజాన్ని అత్యంత నిరంకుశంగా అమలు చేస్తుందని, భూస్వామ్య, పెట్టుబడిదారుల, సామ్రాజ్యవాద దోపిడీ, నిరంకుశత్వ ఫాసిజం ఒక రకంగా ఉంటే , బిజెపి పాలనలో ఫాసిజం ఇంకో రూపంలో వున్నదని ప్రజా నేస్తం బోరన్నగారి నేతాజీ సుభాషన్న పేర్కొన్నారు.

ఎమర్జెన్సీ కాలం నాటి ప్రకటిత నిరంకుశత్వం, ఫాసిజం అందరికి కనబడిందని, ఫాసిజం అంటే ఏమిటో ప్రజలకుఅర్ధం అయినదని, నేడు దేశంలో ఫాసిజం అప్రకటిత ఎమర్జెన్సీ రూపంలో రాజ్యమేలుతుందని ప్రజాస్వామ్య హక్కుల పరిరక్షణ ప్రేమికుడు, నూతన ప్రజాస్వామిక విప్లవ రాజ్య స్థాపన శ్రామికుడు కామ్రేడ్ బోరన్నగారి నేతాజీ సుభాషన్న ఆవేదన వ్యక్తం చేశారు.

భారతదేశంలో అమలయ్యే ఫాసిజంలో మత విద్వేషం, వివక్ష, దోపిడి, నిరంకుశత్వం, క్రూరత్వం, హింస పెట్రేగి కనీస ప్రజాస్వామ్యం కనుమరుగై , అన్యాయాన్ని ప్రశ్నించే గొంతులు లేకుండా అణిచివేసే అవకాశం వుందని, ఉద్యమకారులను వెతికి వెతికి, విడదీసి అణచివేస్తున్నారని ప్రజాతంత్ర హక్కుల పోరాట యోధుడు, బాధితుల బంధువు, పీడిత ప్రజల సంపూర్ణ విముక్తి కోసం నూతన ప్రజాస్వామ్యత విప్లవమే పరిష్కార మార్గమని నిరంతరం ఎలుగెత్తి చాటి చెప్పే వర్గ పోరాటవాది కామ్రేడ్ బోరన్నగారి నేతాజీ సుభాషన్న ఆరోపించారు. ప్రజల హక్కుల పరిరక్షణ కోసం పోరాడుతున్న విప్లవకారులను ఉద్యమకారులను అణిచివేయడం కోసం నిరంతరం నిఘా పెడుతున్నారని ,వేల కోట్ల ప్రజాధనం విప్లవోద్యమాన్ని అణిచివేయడానికి, ప్రజా ఉద్యమాలను అణిచివేయడానికి కేంద్ర రాష్ట్ర ప్రభుత్వాలు దుబారా ఖర్చు పెడుతున్నాయని,ప్రజా ఉద్యమాల కార్యకర్తలపై, నాయకులపై, కుట్ర
కేసులు పెడుతున్నారని, అరెస్టులు చేస్తున్నారని. నిర్బంధిస్తున్నారని, హత్యలు చేస్తున్నారని అణగారిన వర్గాల హక్కుల కార్యకర్త, పేద ప్రజల విముక్తి కోసం విప్లవమే నా మార్గమని ఎలుగెత్తి చాటి చెప్పే వెనుకబడిన వర్గాల పోరాట యోధుడు కామ్రేడ్ బోరన్నగారి నేతాజీ సుభాషన్న ఆరోపించారు.

ప్రమాదకరమైన ఫాసిస్టు, మతోన్మాద శత్రువును ఎదుర్కోవటానికి ప్రాంతాలు, కులాలు, మతాలకతీతంగా అందరం కలిసి ఉద్యమ కార్యాచరణను రూపొందించుకోవాలని, ప్రజల చైతన్యం ఆధారంగా పాలసీలు, కార్యాచరణ రూపొందించుకోవాలని దేశంలో ,రాష్ట్రంలో ప్రజల కోసం పనిచేస్తున్నటువంటి అన్ని ప్రజా సంఘాలకు ప్రజా నేస్తం బోరన్నగారి నేతాజీ సుభాషన్న సూచించారు.

ప్రస్తుతం పెను ప్రమాదంగా దూసుకు వస్తున్న ఫాసిస్టు దోపిడిని ఎదిరించడానికి ఐక్యనిర్మాణాలు అవసరమని, తమ తమ అస్థిత్వాలను కాపాడుకుంటూనే విశాల ఐక్య సంఘటన ద్వారా ఫాసిస్టు పాలనకు వ్యతిరేకంగా ఉద్యమాన్ని కొనసాగించాలని ప్రజా సంఘాల నేతలకు కార్యకర్తలకు రాసిన బహిరంగ లేఖలో ప్రజా ఉద్యమకారుడు కామ్రేడ్ బోరన్నగారి నేతాజీ సుభాషన్న 9848540078 పిలుపునిచ్చారు.

ఫాసిజాన్ని ఓడిద్దాం – లౌకికవాదాన్ని సాధిద్దాం అనే నినాదం తోటి దేశవ్యాప్తంగా ప్రజాసంఘాలు ప్రజాస్వామ్య హక్కుల పరిరక్షణ కోసం ఐక్యంగాఉద్యమించాలని ప్రజాస్వామిక విలువల ప్రేమికుడు, కామ్రేడ్ బోరన్నగారి నేతాజీ సుభాషన్న కోరారు.

బ్రిటీష్ సామ్రాజ్యవాద వలస దోపిడి, నిరంకుశత్వం, ఆధిపత్యం, నియంతృత్వ పాలన పోయి ప్రజాస్వామ్య పాలన ఏర్పడాలనే జాతీయ స్వాతంత్ర్యోద్యమ ఆకాంక్షలను ప్రతి భారతీయ పౌరుడు, పౌరురాలు నెమరు వేసుకోవాలని, వాటి సాధనకు బాధ్యతగా పట్టుదలతో

కృషి చేయాలనీ ప్రజా నేస్తం బోరన్నగారి నేతాజీ సుభాషన్న కోరారు. భారత రాజ్యాంగ స్ఫూర్తితో ఆర్థిక, సామాజిక న్యాయం, స్వేచ్ఛ, సమానత్వం దక్కేలాగున పాలన ఉండాలని, పార్టీలు,
పాలకులు, ప్రభుత్వ ఉద్యోగులు ప్రజలకు జవాబుదారిగా వుండాలనీ, భారత జాతీయ స్వాతంత్ర్యోద్యమ ఆకాంక్షలైన సమాన హక్కులు, ప్రభుత్వ విద్య, వైద్యం, ఉపాధి ప్రజలందరికీ అందేలాగున ప్రయత్నాలు ఉండాలనీ, వ్యవసాయ రంగాన్ని అభివృద్ధి చేయాలనీ ప్రజా నేస్తం బోరన్నగారి నేతాజీ సుభాషన్న పేర్కొన్నారు.

స్వార్ధం, అవినీతి కారణంగా సమాజంలో సివిల్ వార్ వచ్చే అవకాశం ఉందనీ, సమాజంలోని అన్ని రకాల అసమానతలను, కుల వివక్షను రూపుమాపే నియంత్రణ చట్టాలు ఉండాలనీ , కాశ్మీర్ ప్రజల ఆకాంక్షలకు , డిమాండ్లకు విరుద్ధంగా ప్రత్యేక చట్టాల ద్వారా కాశ్మీర్ స్వయం ప్రతి హక్కులను రద్దు చేసినట్లుగానే భారతదేశంలో తరతరాలుగా కొనసాగుతున్న దుర్మార్గమైన కుల వ్యవస్థను రద్దు చేస్తూ పార్లమెంటులో చట్టం తీసుకురావాలని ప్రజా నేస్తం బోరన్నగారి నేతాజీ సుభాషన్న డిమాండ్ చేశారు.

సుఖ,శాంతులతో వికసిస్తున్న సుందరమైన మన దేశం మీద దండయాత్రల తరలివచ్చిన దొంగల ముఠా అగు,విదేశీ ఆర్యుల సంతతి మనువాదాన్ని , మనువాదం పెంచి పోషించిన అన్ని రకాల వివక్షతలను, ఆధిపత్యమును, దోపిడిని భూస్థాపితం చేయాలనీ, పాలకుల మార్పిడి మాత్రమే కాదు పరిపాలనలో మార్పులు రావాలనీ సామాజిక పరివర్తకుడు సమసమాజ స్వాప్నీకుడు ప్రజా నేస్తం బోరన్నగారి నేతాజీ సుభాషన్న కోరారు.

కొన్ని వేల సంవత్సరాలుగా మన పూర్వీకులు కాపాడిన అన్ని రకాల సంపదలను సమతుల్యతతో ప్రజల అవసరాల కోసం అభివృద్ధి ప్రణాళికలు ఉండాలనీ ప్రజాతంత్ర ఉద్యమకారుడు బోరన్నగారి నేతాజీ సుభాషన్న పేర్కొన్నారు.

భారత జాతీయ స్వాతంత్ర్యోద్యమ ఆకాంక్షలను రాజ్యాంగ బద్దంగా అమలు చేసే ప్రజాస్వామ్యయుత పాలకుల పాలన ఉండాలనీ, దేశంలో కొనసాగుతున్న అన్ని రకాల ప్రైవేట్ రంగా రంగాలపై ప్రభుత్వం పూర్తి నియంత్రణ చూపాలని , విద్యా ,వైద్యమును పూర్తిగా ప్రభుత్వమే నిర్వహించాలని
ప్రజా నేస్తం బోరన్నగారి నేతాజీ సుభాషన్న 8328277285 డిమాండ్ చేశారు.

భిన్నత్వంలో ఏకత్వం ఒక నినాదంగా మాత్రమే కాకుండా కుల, మత, జాతి విద్వేషాలను రెచ్చగొట్టని పాలకుల పాలన ఉండాలనీ, అభివృద్ధికి నోచుకోని ప్రాంతాలపై ప్రత్యేక శ్రద్ధ వుండాలనీ ప్రజా నేస్తం బోరన్నగారి నేతాజీ సుభాషన్న పేర్కొన్నారు.

స్వదేశీ నినాదం ఓటు బ్యాంకు రాజకీయం కాకుండా వాస్తవ క్రియా రూపంలో ఉండాలనీ,స్వలాభంతో కూడిన విదేశీ మోజు సమాజానికి తీవ్ర నష్టం చేస్తుందనీ, ప్రభుత్వమే పారిశ్రామిక రంగాన్ని అభివృద్ధి చేయాలనీ,కార్మికుల చట్టాలకు రక్షణ కల్పించాలనీ ప్రజా బంధువు బోరన్నగారి నేతాజీ సుభాషన్న డిమాండ్ చేశారు.

అన్ని రకాల మత ఛాందసవాదం, విద్వేషాలు, ఉగ్రవాద చర్యలు ప్రజాస్వామ్యానికి, ప్రజల అభివృద్ధికి అడ్డంకి అవుతాయనీ, మత ఛాందసవాదం శాసనమైతే సమాజానికి తీవ్ర నష్టం కలుగుతుందనీ ప్రజా నేస్తం బోరన్న గారి నేతాజీ సుభాషన్న తీవ్ర ఆందోళన వ్యక్తం చేస్తూ సామాజిక పరివర్తన కోసం, కుల నిర్మూలన కోసం, మతసామరస్యం కోసం, అసమానతులకు తావులేని అభ్యుదయ సమాజ నిర్మాణం కోసం నూతన ప్రజాస్వామిక సమాజ స్థాపన కోసం ప్రతి ఒక్కరు ఉద్యమించాలని భారత కమ్యూనిస్టు పార్టీ ఎమ్. ఎల్ సెక్రటరీ, బాధితుల బంధువు ,ప్రజా నేస్తం కామ్రేడ్ బోరన్నగారి నేతాజీ సుభాష్ చంద్రబోస్ 9848540078 , 8328277285 ప్రజలకు, ప్రజా సంఘాలకు నేడు రాసినటువంటి బహిరంగ లేఖలో విజ్ఞప్తి చేశారు.