14వ వార్షికోత్సవం ఘనంగా జరుపుకుంటున్న భక్తులు

జనం వెలుగు:- శ్రీ ఓం పంచశక్తి పీఠం (ట్రస్ట్) – యంచ. మం|| నవీపేట్, జి॥ నిజామాబాద్, తెలంగాణ ఎందు ఘనంగా 14వ వార్షికోత్సవములు జరుపుకుంటున్నారు. భగవత్ భక్త మహాశయులకు! కలియుగంలో దేవతలు జన్మించి సద్గురువుల రూపంలో భక్తులకు జ్ఞానాన్ని, మోక్షము ప్రసాదిస్తారు. అని నానుడి. ప్రస్తుత ఈ తరుణంలో మన దేశ ద్రావిడ, తమిళ సాంప్రదాయంలో జన్మించి ఉన్నత విద్యలను అభ్యసించి కర్ణాటకలోని పశ్చిమ కనుమలలో, కోడశాద్రి, చిత్రమూలా పర్వత శ్రేణులలో శ్రీ మూఖాంబికదేవి పాదాల చెంత శ్రీశ్రీశ్రీ జగద్గురు ఆది శంకరాచార్యులు తపస్సు చేసిన ప్రాంతములో తపస్సు చేసి శ్రీ ఓం జగదాద్రి దేవినే గురువుగా పొంది అమ్మవారి ఆజ్ఞతో శ్రీ ఓం జగద్గురువుగా కీర్తించబడి, శ్రీ ఓం జగద్గురువు శ్రీ ఓం ఆదిశక్తియేంద్ర స్వామీజీగా 33 కోట్ల దేవతలచే ఆశీర్వదించబడి, కాశీలోని పవిత్ర గంగానది సంగమంలో జల తపస్సు చేసి, జగద్గురు శ్రీ ఓం ఆదిశక్తేంద్ర స్వామి వారు తమిళనాడులోని కాంచిపురం దగ్గర అవలూర్ (మద్రాస్, బెంగళూర్ జాతీయ రహదారి) ప్రక్కన శ్రీ ఓం పంచశక్తి పీఠాన్ని స్థాపించి ఒకే గర్భగుడిలో పంచ మహా శక్తులైన మహాలక్ష్మి మహాకాళి, మహాదుర్గ, గాయత్రి, లలితాదేవీ దేవతలను ప్రతిష్ఠించడం జరిగింది. అలాగే ఇక్కడ అనేక దేవతల, గురువుల దేవాలయాలను ఎక్కడ లేని విధంగా కల్పవృక్షము, కామదేనువును కూడా ప్రతిష్ఠించబడి ప్రతి నిత్యము దేవి దేవతలకు, గురువులకు యజ్ఞాలు, నైవేద్యాలు, నిత్య హారతులు షోడషోపచార పూజలు ఘనముగా నిర్వహించుచున్నారు. శ్రీ ఓం ఆదిశక్తేంద్ర స్వామి వారు తన గురువైన శ్రీ ఓం జగదాద్రి దేవి ఆజ్ఞమేరకు తమిళనాడులోని అటవి ప్రాంతంలో అగ్ని తపస్సు చేసినారు. వారు దేశ విదేశాలలో పర్యటనలు చేసి అనేక పవిత్ర స్థలాలను కూడా పర్యటించినారు, అపర్ణాదేవి వ్రతము కూడా నిర్వహించారు. ఈ విధముగా తన గురువైన శ్రీ ఓం జగదాద్రి దేవి ఆజ్ఞ మేరకు శ్రీ ఓం స్వర్ణకమల లక్ష్మిగా అవతారమెత్తి భూలోక లక్ష్మీదేవతగా కీర్తించబడుతు స్వయంగా శ్రీ మహా విష్ణువుని వివాహం చేసుకున్నారు. శ్రీ ఓం స్వర్ణకమల లక్ష్మి అమ్మవారు దేశ విదేశాల్లో శ్రీ ఓం పంచశక్తి పీఠాలను నెలకొల్పినారు. వీటి ద్వారా ఎన్నో ప్రజా సేవ కార్యక్రమాలు నిర్వహిస్తున్నారు. ఆస్ట్రేలియాలో నెలకొల్పిన శ్రీ ఓం పంచశక్తి పీఠం సేవా సంస్థ అయిన శ్రీఓం కేర్ ట్రస్టీ కి అక్కడ చేస్తున్న సేవా కార్యక్రమాలకు 2022 సం||లో ఆస్ట్రేలియా దేశపు అత్యున్నత సేవా పురస్కారాన్ని శ్రీ శ్రీ ఓం స్వర్ణకమల లక్ష్మి అమ్మవారికి ప్రధానం చేస్తూ గౌరవించడం జరిగింది. శ్రీ ఓం జగదాద్రి దేవి ఆదేశానుసారం యంచలో 33 కోట్ల దేవతల అభీష్టం మేరకు శ్రీఓం జగదాద్రి దేవి ప్రియ మానస పుత్రిక అయిన మన పూజ్య స్వర్ణకమల లక్ష్మి (శ్రీ ఓం దేవి) అమ్మవారు శ్రీఓం జగదాద్రి దేవి ఆలయం నిర్మించి ప్రపంచంలోని 1008 జీవనదుల పవిత్ర జలాలతో కుంభాభిషేకం చేసినారు. ప్రతి సంవత్సరం మన దేశంలోని అతి పవిత్ర పంచ జీవ నదులైన గంగా, నర్మదా, గోదావరి, బ్రహ్మపుత్ర, యమున నదులలో పుణ్య స్నానాములు నిర్వహించి ఆ పవిత్ర జలాలతో ప్రతి మాఘమాసంలో బ్రహ్మోత్సవాలు ఘనంగా నిర్వహిస్తున్నారు. బృహత్తరమైన కార్యక్రమము శ్రీ ఓం జగదాద్రి దేవి ప్రియ మానస పుత్రిక అష్టాదశ శక్తుల మెలికలయిక, కలియుగ లక్ష్మిదేవత అయిన శ్రీఓం స్వర్ణ కమల లక్ష్మి (శ్రీఓం దేవి) అమ్మ గారి ఆధ్వర్యంలో వైభవోపేతంగా నిర్వహించబడును. కాబట్టి ఇట్టి మహోత్తర కార్యక్రమానికి మీరందరు బంధుమిత్రులతో అధిక సంఖ్యలో పాల్గొని అమ్మవారి కృపకు పాత్రులు కాగలరని ఆహ్వానించువారు: శ్రీ ఓం పంచశక్తి పీఠం (ట్రస్ట్) భక్తబృంధం, గ్రామ ప్రజలు