Crime
| Nandipet Crime నందిపేటలో కిలాడీ లేడీ అరెస్టు
నందిపేటలో కిలాడీ లేడీ అరెస్టు
జనంవెలుగు, నందిపేట్ మూన్ డిజైన్ శేఖర్ :- నందిపేట మండల కేంద్రంలో ఓ ఘరానా లేడి ఆడిన ముసుగు నాటకం కు కళ్లెం వేసి ఆ కిలాడీలేడని మరో ఇద్దరిని కటకటాల వెనక్కి పంపారు నందిపేట పోలీసులు. గత 4 తేదీ నా నాపై ఎవరో గుర్తుతెలియని వ్యక్తులు దాడి చేసి కొట్టారని మండల కేంద్ర శ్రీరామ్నగర్ లో నివాసం ఉంటున్న పిప్పెర అంకిత(34)
పోలిస్ స్టేషన్ లో ఫిర్యాదు చేయడంతో పోలీసులు కేసు నమోదు చేసుకొని దర్యాప్తు చేస్తున్నారు. అదే సమయంలో మళ్లీ 22వ తేదీ రోజున అదే మహిళ నా ఇంటిలోకి ఎవరో గుర్తుతెలియని వ్యక్తులు చొరబడి నన్ను బంధించి నా చేతులపై, తొడల పైన వాతలు పెట్టారని, తీవ్రంగా కొట్టారని రెండోసారి ఫిర్యాదు చేసింది. దీంతో ఈ మిస్టరీని చేదించేందుకు పోలీసులు తమదైన శైలిలో విచారణ చేపట్టారు.
అంకిత ఇంటి దగ్గరలోని సీసీ కెమెరాలను, అంకిత సెల్ ఫోన్ డాటాను, అంకితతో సంబంధం ఉన్న వ్యక్తులను విచారించారు. అయితే విచారణ లొ అసలు నిజం బయటపడింది. డబ్బుల కోసం నాటకమాడి నాపై దాడి చేశారంటూ ఫిర్యాదు చేసిన ఆ కిలాడి లేడి అంకితే ఈ నాటకానికి సూత్రధారి. అంకిత, నవిన్ లు ఆడిన ముసుగు, వాతల నాటకాన్ని రెండు రోజుల్లోనే బట్ట బయలు చేశారు పోలీసులు. వివరాల్లోకి వెళితే సీఐ జాన్ రెడ్డి తెలిపిన వివరాల ప్రకారం మండల కేంద్రానికి చెందిన అంకిత జిల్లా కేంద్ర ఓ షాపింగ్ మాల్ లో పనిచేసేదని మండల కేంద్రానికి చెందిన సింగారం నవీన్ అనే యువకుడితో సంబంధం పెట్టుకొని మండల కేంద్రంలో గల ఓ రియల్ ఎస్టేట్ వెంచర్లో ప్లాటును దక్కించుకోవాలని పన్నాగం పన్నారు.
దాని కొరకు ఆ వెంచర్ ఆఫీస్ లో పనిచేసే ప్రతాప్ రెడ్డి వద్దకు అంకిత నవీన్లు వెళ్లి సంప్రదించారు. అయితే ఆ రియల్ ఎస్టేట్ ఆఫీస్ లో ప్రతాప్ రెడ్డి ప్లేస్ లో ఇదివరకు అంబటి శ్రీనివాస్ అనే అతను పని చేసేవాడని. మేనేజ్మెంట్ అతని పై లావాదేవీల ఫిర్యాదులు రావడంతో అతన్ని తీసేయడం జరిగింది, దాంతో అంబటి శ్రీనివాస్ ప్రతాప్ రెడ్డి పై కక్ష సాధింపుగా ఉన్నాడు. ఇదే తరుణంలో అంకిత నవీన్లు ప్రతాప్ రెడ్డి వద్దకు వచ్చినది తెలుసుకొని అంకిత నవీన్ లను పరిచయం చేసుకొని వీరిద్దరితో ప్రతాప్ రెడ్డిపై కక్షతీసుకునేందుకు ప్రతాప్ రెడ్డి ని బెదిరిస్తే లాభం చేకూరుతుందని నమ్మ పలికాడు. దీంతో ప్లాటు కొనేందుకు వెళితే ప్రతాప్ రెడ్డి నా పై అసభ్యంగా ప్రవర్తించాడని ప్రతాప్ రెడ్డి పై కేసు పెట్టింది అంకిత. పోలీసులు కేసు నమోదు చేసేసరికి ప్రతాపరెడ్డిని 30 లక్షలు ఇవ్వాలంటూ బ్లాక్ మెయిల్ కు దిగింది అంకిత. ప్రతాప్ రెడ్డి ససేమిరా అనడంతో నాటకం నందిపేట మండల కేంద్రానికి చేరింది. నేను నందిపేట మండల కేంద్రంలో నివాసం ఉంటున్నానని, పని నుండి ఇంటికి వెళ్ళేటప్పుడు నా ఇంటి దగ్గర నాపై ఎవరో ముసుగు వేసి దాడి చేసే కొట్టారని పోలీస్ స్టేషన్లో ఫిర్యాదు చేయడం జరిగింది.
దీంతో పోలీసులు ఫిర్యాదు తీసుకొని దర్యాప్తు చేస్తున్న తరుణంలోనే మళ్లీ 20 రోజుల వ్యవదిలోనే మళ్లీ కొందరు గుర్తుతెలియని వ్యక్తులు నా ఇంట్లోకి చొరబడి నన్ను బంధించి నా చేతులపైన, తొడల పైన, వాతలు పెట్టి కొట్టారని ఫిర్యాదు చేసింది అంకిత. దీంతో ఎలాగైనా ఈ కేసును చేదించాలని రంగంలోకి దిగిన పోలీసులు అంకిత ఫోన్ కాల్ ఆధారంగా సింగరాయ నవీన్, అంబటి శ్రీనివాస్ లను విచారించగా ఈ ముగ్గురే అసలు నేరస్తులని, నాటకమంతా ఆడింది వీరేనని, నాటకాన్ని బట్ట బయలు చేశారు.ఈ కిలాడి లేడి డబ్బుల కోసం తన ప్రియుడు నవీన్ తో కలిసి సినిమా స్టోరీని తలపించే నటకాన్ని ఆడింది కానీ పోలీసులు ఈ కిలాడి లేడిని తమదైన శైలితో విచారించి కటకటాల వెనక్కి నెట్టారు.
డబ్బుకోసం ముసుగు నాటకమాడి, తప్పుడు ఫిర్యాదుతో వ్యవస్థను తప్పుదోవ పట్టించిన నిందితులపై కేసు నమోదు చేసి రిమాండ్కు పంపామని, ఇటువంటి ఘరానా మోసగాళ్లు, కిలాడి లేడీ లు వేసే పన్నాగాలకు ప్రజలు మోసపోకుండా అప్రమత్తంగా ఉండాలని ఎస్ఐ శ్యామ్ రాజ్ హెచ్చరించారు.
జాలరి వల విసిరితేనే…. జానెడు పొట్టకు..జీవనం..
కాని తాను.. విసిరే వల.. తన మడకే చుట్టుకొని తననే కాటేస్తదనుకోలేదు ఆ గంగా పుత్రుడు. అటువంటి దురదృష్ట ఘటన ఒకటి డొంకేశ్వరం మండలంలో చోటు చేసుకుంది.
నందిపేట్ సెప్టెంబర్ 30 జనం వెలుగు:- నిజమాబాద్ జిల్లా డొంకేశ్వర్ మండల కేంద్రానికి చెందిన మాడబోయి కట్ట గణేష్ (37) సోమవారం ఎస్ఆర్ఎస్పి ముంపు ప్రాంతం గంగాసముందర్ గ్రామ శివారు గంగలో చేపలు పట్టేందుకు వెళ్లి ప్రమాద వశాత్తు వల చుట్టుకొని మరణించడం జరిగింది. స్థానిక ఎస్సై వినయ్ కుమార్ తెలిపిన వివరాల ప్రకారం…
కట్ట గణేష్ సోమవారం సాయంత్రం 4 గంటలకు ఎస్సారెస్పీ బ్యాక్ వాటర్ లో చేపలు పట్టడానికి వెళ్లి తిరిగి ఇంటికి రాలేడు, మంగళవారం ఉదయం 7 గంటల 30 ని:కు గంగ సముందర్ గ్రామ శివారు గంగాలో శివమై తేలినాడని
గణేష్ భార్య కట్ట కళ్యాణి ఫిర్యాదు మేరకు కేసు నమోదు చేసుకొని దర్యాప్తు చేస్తున్నామని ఎస్సై తెలిపారు. మృతునికి కొడుకు యోగేష్, కూతురు హన్సిక కలరని ఆయన అన్నారు. గంగాపుత్రులకు వారి వలలే వారికి శాపంగా మారి తరచూ మృత్యువాత పడుతున్నారు.
ఇటువంటి ఘటనలు పునరావృతం కాకుండా మత్స్యశాఖ తగు చర్యలు చేపట్టలని, ఆ వలల బారిన పడకుండా ప్రత్యేక శిక్షణ ఇప్పించేందుకు ప్రయత్నాలు చేపట్టాలని ప్రజల అభిప్రాయపడుతున్నారు.
మోసం కేసులో లక్కంపల్లి సర్పంచ్ అరెస్ట్…..
నందిపేట్ సెప్టెంబర్ 19 జనం వెలుగు: నిజామాబాద్ జిల్లా నందిపేట మండలం లక్కంపల్లి గ్రామ సర్పంచ్ బొల్లపల్లి సంతోష్ గౌడ్ ను చీటింగ్ కేసులో పోలీసులు అరెస్టు చేశారు. శుక్రవారం రూరల్ నార్త్ సీఐ శ్రీనివాస్ తెలిపిన వివరాల ప్రకారం మాక్లూర్ మండలం మణిక్ బండార్ గ్రామ
శివారులో గల గండ్ర రివర్ వ్యూ అనే రియల్ ఎస్టేట్ వెంచర్కు సంబంధించిన లావాదేవీల్లో దాదాపు 8 కోట్ల వరకు లెక్కలు తారుమారు అయ్యాయని వెంచర్ యాజమాన్యం ఫిర్యాదు మేరకు సంతోష్ గౌడ్ పై చీటింగ్ కేసు నమోదు చేయడం జరిగిందని తెలిపారు.
అయితే సంతోష్ గౌడ్ సర్పంచ్ కాకముందు రియల్ ఎస్టేట్ కు సంబంధించిన వెంచర్లో ఉద్యోగం చేసేవాడని యాజమాన్యానికి తెలియకుండా మరికొంత మంది వ్యక్తులతో కలిసి ప్లాట్లు లావాదేవీలు చేసే పెద్ద ఎత్తున డబ్బులు దండుకొని మొన్న జరిగిన సర్పంచ్ ఎన్నికల్లో ఖర్చు పెట్టి గెలిచాడేమోనని ప్రజలు గుసగుసలాడుతున్నారు.
ఏది ఏమైనా గ్రామ ప్రథమ పౌరుడు సేవా దృక్పథం, తమ ప్రజలకు ఎవరైనా మోసం చేస్తే ముందు నిలబడే నాయకుడుగా ఉండాలని కోరుకుంటారని, అలాంటి ప్రథమ పౌరుడు పైనే మోసం కేసు నమోదవడం తో ఒక్కసారిగా ఆశ్చర్యానికి గురవుతున్నారు.
నడిరోడ్డుపై వాడిన సిరంజీ సూదులు….
స్వతంత్ర వేడుకలకు స్వాగతం పలుకుతూ… రోడ్డుపైనే సిరంజీ సూదులు
మండల కేంద్రం నంది విగ్రహం వద్ద రోడ్డుపై వందలాది సూదులు
నందిపేట్ ఆగస్టు 15 జనం వెలుగు: నిజామాబాద్ జిల్లా నందిపేట మండల కేంద్ర నంది విగ్రహం వద్ద శనివారం ఉదయాన్నే నడిరోడ్డుపై వాడిన సిరంజీ సూదరులు విచ్చలవిడిగా పడి ఉన్నాయి. నేడు స్వాతంత్ర వేడుకలు సందర్భంగా గ్రామపంచాయతీ వారు రాత్రి నుండే మండల కేంద్రం రోడ్లన్నీ శుభ్రపరిస్తే ఉదయాన్నే రోడ్డంతా ఉపయోగించిన సిరంజీ సూదులు విచ్చలవిడిగా పడి ఉండడంతో పాదచారులకు తీవ్ర ఇబ్బంది కలిగింది.
హాస్పిటల్స్ లో ఉపయోగించే ఈ ఇంజక్షన్ల నీడిల్సు వాడిన తర్వాత బయో మెడికల్ వేస్టేజ్ బాక్స్ లో వేసి ఎంతో జాగ్రత్తగా డంపు యార్డుకు తరలించాల్సి ఉంటుంది. ఈ యూజుడ్ ఇంజక్షన్స్, నీడిల్స్ ద్వారా హెచ్ఐవి, హెపటైటీస్ బి/సి లాంటి ఇన్ఫెక్షన్స్ జరిగే ప్రమాదం ఉంది.
కానీ మండల కేంద్రంలో మాత్రం విచ్చలవిడిగా పి ఎంపీ, ఆర్ఎంపీ ల పేరిట గల్లీకో దవఖాన పేరుతో ప్రజలను దోపిడీ చేస్తున్నారు. కనీసం మెడికల్ నిబంధనలను కూడా పాటించకుండా ఇలాంటి ఘటనలు జరగడం శోచనీయం ఇటువంటి వారిపై అధికారులు చర్య తీసుకోవాలని ప్రతి హాస్పిటల్స్ లో బయో మెడికల్ వేస్టేజ్ బాక్సులు ఉండేటట్టు చూడాలని ప్రజలు అభిప్రాయపడుతున్నారు.
విజయదశమి పర్వదిన శుభాకాంక్షలు
జిల్లా ప్రజలకు విజయదశమి శుభాకాంక్షలు
