కేంద్రం మీద నిరసన ఎట్లుందో చూడండి

జనం వెలుగు, మెదక్:- దేశంలో ఉన్న సంస్థలన్నిటినీ అమ్ముతు, ప్రైవేటీకరణ చేస్తు పోతే చివరికి దేశానికి మిగిలేది ఏముంటుంది. ని పతనానికి నాంది అని ప్రధాని మోదిపై మెదక్ బారాస జిల్లా పార్టీ అధ్యక్షురాలు ఎమ్మెల్యే యం.పద్మ దేవేందర్ రెడ్డి ధ్వజమెత్తారు. కేంద్ర ప్రభుత్వం గ్యాస్ సిలిండర్ ధరను పెంచినందుకు నిరసనగా మెదక్ జిల్లా బారాస అధ్యక్షరాలు ఎం పద్మ దేవేందర్ రెడ్డి ఆధ్వర్యంలో గురువారం మెదక్ పోస్ట్ ఆఫీస్ వద్ద ధర్నా కార్యక్రమం నిర్వహించడం జరిగింది. ఈ సందర్భంగా ఎమ్మెల్యే మాట్లాడుతూ. 2014 కంటే ముందు మోదీ అధికారంలోకి రాకముందు గ్యాస్ సిలిండర్ ధర 400 రూపాయలు ఉంటే ,మోడీ ప్రభుత్వం అధికారంలోకి వచ్చాక 1250 రూపాయలకు పెరిగిందన్నారు. దేశంలో పెద్దన్న పాత్ర పోషిస్తూ రాష్ట్రాలకు ఏదైనా ఇబ్బంది ఉంటే రాష్ట్ర ప్రభుత్వాలకు ఆర్థిక సహాయం చేసే విధంగా కేంద్రం ఉండాలి కానీ ప్రజలను రెచ్చగొడుతూ మతకల్లోలను సృష్టించే విధంగా ప్రజా వ్యతిరేక విధానాలకు పాల్పడుతున్నారని ఆరోపించారు. తెలంగాణ రాష్ట్రాన్ని అన్ని విధాలుగా ముఖ్యమంత్రి కేసీఆర్ అభివృద్ధి చేస్తూ పేద ప్రజలకు అనేక సంక్షేమ కార్యక్రమాలు చేపడుతున్న తరుణంలో కేంద్ర ప్రభుత్వం పేద ప్రజల నడ్డి విరిచే విధంగా గ్యాస్ సిలిండర్ ధరను పెంచడం జరిగిందన్నారు. కేంద్ర ప్రభుత్వం రెండు కోట్ల ఉద్యోగాలు ఇస్తామని చెప్పి ఇప్పటివరకు ఒక్క నోటిఫికేషన్ ఇవ్వకుండా ఎల్ఐసి లాంటి సంస్థను ప్రైవేటీకరణ చేయడం ద్వారా 40,000 ఉద్యోగాలు పోయాయని ఈ సందర్భంగా గుర్తు చేశారు. సింగరేణి, రైల్వే, ను ఆర్టీసీని, ప్రైవేటీకరణ చేయడంలో ఆంతర్యం ఏంటో దేశ ప్రజలందరికీ అర్థమయిందన్నారు. ఆదాని, అంబానీ కావాలా వారు సంపాదించే సొమ్ములో వాటా కావాలా అని మోదీ ని ప్రశ్నించారు. ముఖ్యమంత్రి కేసీఆర్ నిరుద్యోగుల దృష్టిలో ఉంచుకొని 80,000 ఉద్యోగాలకు నోటిఫికేషన్ ఇవ్వడం జరిగిందన్నారు. ముఖ్యమంత్రి కేసీఆర్ 2000 రూపాయల పెన్షన్ ఇస్తే దాంట్లో 1200 రూపాయలను గ్యాస్ సిలిండర్ కు పోతుందని దానివల్ల పేద ప్రజలకు ఇబ్బంది ఎదురవుతుందని దేశాన్ని సరైన పద్ధతిలో మోది పరిపాలన చేయడం లేదన్నారు. దేశంలో ఉన్న అన్ని రాష్ట్రాల కంటే తెలంగాణ రాష్ట్రం అభివృద్ధిలో ముందుకు దూసుకువెల్లిదన్నారు. మోటార్ల కాడ మీటర్లు పెట్టకపోవడం వల్ల 30 వేల కోట్ల రూపాయలను కేంద్ర ప్రభుత్వం ఆపిందన్నారు. 2016 రూపాయలు ముఖ్యమంత్రి కేసీఆర్ పెన్షన్ ఇస్తుంటే అందులో కేంద్ర ప్రభుత్వం ఇచ్చేది 200 రూపాయలు మాత్రమేనని అది కూడా కేవలం 6 లక్షల మందికి మాత్రమే ఇస్తే ముఖ్యమంత్రి కేసీఆర్ 50 లక్షల మందికి ఇస్తున్నారని పేర్కొన్నారు. రైతు కళ్ళల్లో ఆనందం చూడాలన్న ఉద్దేశం కొద్దీ ముఖ్యమంత్రి కేసీఆర్ ఎన్ఆర్ఈజీఎస్ కింద రైతులు కళ్ళలు కట్టుకుంటే 160 కోట్లు వాపస్ ఇవ్వాలని చెప్పడంలో రైతులను ఇబ్బంది పెట్టే పరిస్థితి కనిపిస్తుందన్నారు.కానీ ఆంధ్రప్రదేశ్ లో మాత్రం చేపలు ఆరబెట్టుకోవడానికి కల్లాలు కట్టుకోవడనికి అవకాశం ఇచ్చారు.అన్ని రాష్ట్రాలకు సమన్యాయం చేయాలని డిమాండ్ చేశారు. పెద్ద నోట్ల రద్దు వల్ల ఒక్క ఒక్క రూపాయి కూడా నల్లధనం తీసుకు రాలేదని దానివల్ల ఆదాని అంబానీలకి మేలు జరిగిందన్నారు. బిజెపి పరిపాలిస్తున్న రాష్ట్రాల్లో ఇక్కడ కూడా 24 గంటల కరెంటు కానీ కళ్యాణ లక్ష్మి షాదీ ముబారక్ లాంటి సంక్షేమ కార్యక్రమాలు అమలవుతున్నాయని ప్రశ్నించారు. రైతులను ఆదుకోవాలని ఉద్దేశం కొద్ది ప్రతి సంవత్సరం 900 కోట్ల రూపాయలను ఖర్చు పెట్టి రైతులకు 24 గంటలకు ఉచిత కరెంటు ఇవ్వడం జరుగుతుందన్నారు. ఈ కార్యక్రమంలో మెదక్ జిల్లా పరిషత్ ఉపాధ్యక్షురాలు యం.లావణ్య రెడ్డి, ఆత్మ కమిటీ చైర్మన్ అంజ గౌడ్, హవేళిఘనపూర్ మండల పార్టీ అధ్యక్షులు సిహెచ్ శ్రీనివాస్ రెడ్డి మున్సిపల్ కౌన్సిలర్లు జయరాజ్, సంయోద్దీన్, కో ఆప్షన్ నెంబర్ సయ్యద్ ఉమర్, మెదక్ పిఎసిఎస్ చైర్మన్ హనుమంత్ రెడ్డి, మెదక్, హవేళి ఘనపూర్ మండలం వైస్ ఎంపీపీలు ఆంజనేయులు, రాధాకృష్ణ కిషన్ యాదవ్, మెదక్ ఏఎంసీ డైరెక్టర్ సాప. సాయిలు నాయకులు రాగి. అశోక్, ప్రభు రెడ్డి, మధు, సతీష్ రావు, బాలయ్య, సుదర్శన్, మోహన్, సాయిలు, గట్టెష్, వెంకటేష్, మహమ్మద్, సిద్దిరాములు సర్పంచులు రాజేందర్ రెడ్డి,చిన్న గౌడ్, యామి రెడ్డి, మహిళలు తదితరులు పాల్గొన్నారు.